【晴報專訊】鄭伊健與錢嘉樂昨日出席電影《深宵閃避球》開鏡儀式，二人在戲中飾演教練，與一班年輕女演員合作，年過半百的伊健和嘉樂坦言有代溝，就連「萬歲」食物也要花盡心思去討好眾人，認真搞笑。

伊健和嘉樂合作無間，連訪問都火花四濺。

　　鄭伊健、錢嘉樂、周家怡、鍾雪瑩、雲浩影、陳海寧、黃淑蔓及李靖筠昨日出席開鏡儀式，英皇集團主席楊受成亦現身支持。伊健和嘉樂繼電影《黃金兄弟》後再合作，在片中飾演閃避球教練，藉運動教導一班年輕人重回正軌。嘉樂指新片是勵志電影，表示年輕人要有目標才會熱血︰「我細個都有目標㗎，唔係點撈咁耐呀！」伊健說︰「電影劇本幾得意，講上一代同下一代溝通唔到，但又想表達大家點樣可以混埋一齊。」

伊健和嘉樂跟青春無敵的年輕女演員已經混熟，眾人談笑風生。

　　問兩位「大叔」與一班年輕演員可有代溝？嘉樂說︰「的確係有代溝嘅，但代溝唔係絕症嘛，我哋以前都會笑上一代咁樣拍電影啦。」伊健透露一班年輕女演員起初面對前輩時也會戰戰兢兢，但熟絡後開始跟前輩開玩笑。伊健自爆︰「有樣嘢一定要講，以前『萬歲』會買凍檸茶、菠蘿油、蛋撻，但呢啲已經唔興㗎喇，依家要買蜜糖雞翼、芝士蛋糕同珍珠奶茶畀佢哋。」問伊健跟她們有沒有代溝？他笑指︰「我本身有少少智障，溝通上有問題，佢哋又好主動，所以大家傾到偈。（喺佢哋面前係男神？）你問佢哋，我唔方便答。」

周家怡拒認一姐

　　同場的周家怡日前42歲生日，劇組人員昨日特別送上蛋糕為她補祝生日，當她拍照時，身旁的楊受成笑謂︰「係啦！佢係（英皇電影）一姐好耐啦！」嚇得她耍手擰頭。事後周家怡表示︰「咁講會嚇親人。」至於可有計劃人生大事？她百無禁忌說︰「殮葬呀？如果話無人追又好似好削，不過依家無拍拖，到咗呢個年紀都無所謂，一個人都好開心。」

轉載自: 晴報

etnet榮獲HKEX Awards 2023 「最佳表現證券數據供應商」大獎► 了解詳情