【晴報專訊】黃德斌昨日與黃芷晴應邀到apm出席活動，挾《大叔的愛》角色「KK」而人氣急升的德斌，吸引大批粉絲到場一睹風采，他感激觀眾支持，又直言近來有更多工作機會。而「K迷」黃芷晴除了跪求《大》劇開拍電影版外，活動後更在德斌面前跳大叔舞，看得德斌拍爛手掌。

 

德斌和芷晴昨日向市民派發氣球及朱古力金幣，場面熱鬧。

 

　　黃德斌昨日以一身「KK」西裝造型現身，與黃芷晴出席商場的電子消費券優惠活動。德斌透露不時有市民稱呼他「KK」︰「佢哋見到我會掩嘴笑，見到佢哋開心，我都好開心。頭先有市民同我講『I love you』，男女都有，有個講完仲要扮我震住同田田示愛嗰幕，有個五年級小朋友又跳晒成隻大叔舞畀我睇，好犀利。」他直言因角色帶挈而多了工作機會，感謝導演及監製在選角方面做得好。提到有傳《大》劇開拍電影版？德斌指自己未收到消息，而且涉及版權問題，若真的開拍電影版，他希望為觀眾帶來更多歡樂。問他想故事如何延續？德斌表示︰「要佢哋諗，希望劇本更加可觀，但都有相當難度。」

 

「田牧」公然打情罵俏

 

芷晴表演跳大叔舞，德斌蹺埋雙手欣賞。（影片截圖）

 

　　同場的芷晴為見「KK」，前晚特別重溫《大》劇，可有興趣拍電影版？她說︰「我做觀眾好喇，佢哋成班演員會原汁原味啲，我都跪求電影版。」而活動結束後，芷晴在社交網上載與德斌的合照，和在德斌面前跳大叔舞的片段，片中見德斌交疊雙手兼面露笑容看表演，並拍掌鼓勵芷晴。

 

Edan前日重返拍攝《大》劇的外景天橋，被劇迷笑言「抽離唔到角色」。（IG圖片）

 

　　另外，「田田」呂爵安（Edan）前晚在社交網上載照片，可見他蹺住一位戴了「阿牧」面具的男士，引來真「阿牧」盧瀚霆（Anson Lo）留言問︰「又掛住我~？」Edan則笑言︰「我無咁講過。」兩人公然「打情罵俏」，讓不少「田牧CP」的粉絲十分開心。

 

轉載自: 晴報

• 

WoW WoW星期三：健康網購產品低至$99 (只限今天)► 立即行動