【晴報專訊】人氣男團MIRROR成員呂爵安（Edan）和邱士縉（Stanley）昨日出席ViuTV新劇《i.Swim》開鏡拜神，由於兩子在劇中飾演游泳健將，他們都表示正積極操fit，不過31歲的Stanley卻被Edan取笑其校服造型似老師，以及留班十年的學生，認真搞笑。

 

Edan（左）和Stanley自覺學生造型夠純。

 

　　呂爵安、邱士縉、吳海昕、魏浚笙等昨日穿上校服現身，Edan大爆首日開工時，他已取笑Stanley似老師及留班十年的學生；不過Stanley大方回應指︰「最初佢哋咁講，我真係有少少唔開心，不過我份人好鍾意挑戰演技，就睇下30歲點去演繹一個學生。」Edan則自言大學畢業不久，有信心自己仍可駕馭學生的角色。

 

　　Edan和Stanley在劇中飾演游泳健將，問他們泳術是否標青？Edan表示︰「初中之後我就無游過水，我本身識游，但唔敢話好叻，所以開劇之前都有加操，唔知出嚟嘅效果會點呢？」問到是否要操練腹肌？Edan說︰「依家每日淨係食蛋同番薯，keep住飲蛋白奶粉，放工返屋企仲要做gym操下。」一向身形健碩的Stanley隨即在Edan面前做出得戚模樣，但他表示飾演學生不能太大隻，所以自己反而需要減肌。

 

Stanley被「女爵安」吸引

 

Edan笑言自己是「女爵安」，大讚自己索。（IG截圖）

 

　　另外，提到Edan日前在社交網分享女裝打扮的照片，他笑說︰「張相係粉絲send畀我，我覺得幾得意、幾好笑又幾靚女。」Stanley對於「女爵安」的扮相大表嘔心，Edan隨即反駁︰「其實Stanley開頭都對我張相動情同埋動心，當佢發現原來係我，一時間接受唔到，所以就做出一個嘔嘅表情，依家我成日驚佢對我毛手毛腳。」

 

Stanley日前31歲生日，獲女友Alina送驚喜。

 

　　至於日前度過31歲生日的Stanley，他透露當日與女友李炘頤（Alina）二人世界，簡單地睇戲食飯慶祝，Alina又準備了蛋糕及驚喜布置，讓他十分開心。

 

轉載自: 晴報

• 

WoW WoW星期三：健康網購產品低至$99 (只限今天)► 立即行動