2021-09-03
被批壟斷廣告市場!Ian陳卓賢、Anson Lo盧瀚霆努力做好作品
【晴報專訊】人氣男團MIRROR成員盧瀚霆(Anson Lo)和陳卓賢(Ian)昨日到中環出席品牌活動,提到早前被C AllStar老闆阿拔批評MIRROR壟斷廣告市場,直斥他們是「擾民級別」,兩子回應指他們12位成員正作多方面發展,希望在各方面都取得平衡,他們又承諾付出百分百努力,回饋粉絲的支持。
Anson Lo(右)與Ian同為愛狗之人,兩子笑言狗狗比自己矜貴。
盧瀚霆和陳卓賢昨日出席品牌活動,吸引大批「神徒」(Anson Lo粉絲)和「Hellosss」(Ian粉絲)到場支持,有粉絲早於凌晨三點到場霸位,Anson Lo直言戥粉絲辛苦︰「好彩喺室內,希望佢哋食個早餐休息夠,始終喺度等咗好長時間。」Ian則表示︰「係愛呀!多謝佢哋。」
Anson Lo想唱上紅館
Anson Lo向「神徒」單眼及咬唇,引來全場尖叫。
對於日前C AllStar老闆阿拔批評MIRROR壟斷廣告市場,Anson Lo說︰「我哋唔止做音樂,仲有拍劇、拍電影,呢兩年我哋都有把握好多機會,亦都多謝前輩同埋各個單位邀請,其他嘢我哋無諗咁多。其實今年暑假我哋都做咗好多音樂,而團歌亦都籌備當中。」Ian亦指MIRROR 12位成員並非單一發展,希望在各個範疇都取得平衡,而他們亦會用心做好作品,付出百分百的努力來報答粉絲。
Ian上周與馮允謙舉行音樂會,大騷音樂才華。
另外,Anson Lo及Ian 12月將聯同部分MIRROR成員舉行演唱會,問兩子可擔心繼五月九展個唱後,再出現炒飛潮?Anson Lo指他們會盡力做好每個騷,但期間口快快說︰「我哋上次喺紅館個show…」他自知講錯,也忍不住傻笑補鑊道︰「其實喺紅館開show都係我嘅夢想。(明年有機會衝上紅館?)呢個係夢想,所以我都講錯咗,成日掛咗喺口唇邊。」
轉載自: 晴報
全新節目《說說心理話》青少年不可以戀愛!?真實個案講述驚心動魄經歷► 即睇