加入最愛專欄  收藏文章 

2021-11-26

《愛‧回家》食屎陳師奶係羅家英小學老師 孫慧蓮憶得意門生︰佢好頑皮

  【晴報專訊】在《愛‧回家之開心速遞》飾演「食屎陳師奶」的83歲綠葉孫慧蓮,竟是羅家英的小學老師!汪明荃(阿姐)前日上載家英哥與小學老師及同學的畢業60周年聚餐合照,感謝孫老師約飯局。昨日孫老師向本報透露,早年已跟家英哥相認︰「家英哥拍慣大片,我只係TVB特約演員。」

 

 

  前日,汪阿姐在IG發布聚會合照,透露家英哥小時候就讀觀塘官立小學時,正是「食屎陳師奶」的學生。阿姐寫道︰「家英哥帶我去了一個特別聚會,與幾位幾十年無見面的小學同學(見面)…在熱心人孫慧蓮老師的努力下,還找到其他同班同學。」家英哥更準備三條頸巾送給孫慧蓮等三位老師。

 

「食屎陳師奶」孫慧蓮常在《愛‧回家》出現,角色深受歡迎。(網上截圖)

 

讚家英哥有文學修養

 

孫老師(前排右二)在聚會中幫手聯絡家英哥(後排右二)的同學。(IG圖片)

 

  昨日孫老師接受本報訪問,表示自己是該小學的創校老師,由1959年尾任教至1965年;她入行教書時年僅21歲,當時家英哥是五年級學生︰「當年我要教晒全科,自己都係大姐姐咁,家英哥細個好頑皮,但同依家學生比較,其實好純品。」她透露早年已跟家英哥相認︰「90年代有次去跑馬地做義工活動,佢做司儀我做義工;我哋喺06年電影《最愛女人購物狂》都合作過,佢同徐小鳳演一對,我就演修女,當時阿姐嚟接收工,家英哥都有介紹我係佢嘅小學老師。」

 

獲「汪阿Tag」加持的孫老師(左),讚揚家英哥好學不倦。(IG圖片)

 

  說回今次聚會,孫老師獲家英哥送贈頸巾,她說︰「除咗好溫暖嘅紅色頸巾,又有支印咗家英哥個樣嘅紅酒,我都擺咗喺屋企唔飲住。(師生一齊拍戲?)家英哥拍慣大片,我只係TVB合約演員,不過我都曾經同阿姐拍劇,自己之前都拍咗長者用品廣告。(師生合作拍廣告?)希望有機會,其實《愛‧回家》鍾志光都係我嘅師範學院師弟,喺圈中都撞番唔少學生。」她又大讚家英哥這位得意門生︰「佢好有文學修養,好勤力,好多嘢都自學,都影響我進修或者再學嘢。」孫老師現時正學玩IG,果然與時並進。

 

轉載自: 晴報

【限時優惠】申請etnet強化版MQ手機串流報價服務,加送$50禮券! ► 立即行動

更多娛樂情報文章
你可能感興趣
#孫慧蓮 #羅家英 #愛‧回家 #汪明荃
編輯推介
即時報價
全文搜索
Search
最近搜看
新型肺炎
透視大灣區
More
Share