加入最愛專欄  收藏文章 

2022-12-08

個唱與多名歌手撞期 張敬軒爆靠「搶人」開騷

  【晴報專訊】張敬軒將於本月20日舉行十場的跨年演唱會《Revisit張敬軒演唱會》,同期撞正陳奕迅(Eason)、黎明及許廷鏗等歌手開騷,軒仔昨日受訪時大爆要「搶人」才能開騷,雖然過程困難重重,但喜見樂壇百花齊放。

 

軒仔透露原本推出演唱會周邊商品,但產品未能如期運抵港,稍後以網購形式推出。

 

  張敬軒昨日到尖沙咀出席聖誕亮燈活動,即場展示與品牌合作設計的兩款限量手機殼。距離演唱會不足兩周,軒仔表示活動後隨即閉關綵排,為了給入場觀眾有獨一無二的體驗,決定不設現場錄影,亦不會推出影像產品。

 

明年飛法國充電

 

  軒仔大爆籌備個唱期間遇上不少難題,「因為同期好多騷舉行,我哋請舞蹈員都有困難,又要搶樂手、換衫嘅工作人員、化粧梳頭等等,但都係開心事,始終受疫情影響咗好幾年,喺安全情況下,大家都需要娛樂。(歌迷投訴搶唔到飛?)由下個演唱會開始,我會努力爭取做主辦之一,令歌迷買到最多靚位飛。(要好大投資?)資金有楊生(老闆楊受成)做強大後盾。作為演唱會主角,我有義務令忠實歌迷買到想買嘅飛。」

 

  完成演唱會後,軒仔希望去旅行充電,但下月要為首部主演電影《超神經械劫案》宣傳,「最快都要到三月先可以放假,雖然節日要開工,但都係開心事,記得第一任經理人同我講過,除咗清明、重陽都應該要開工,如果無工開就要自己檢討下,我係講我自己咋!(想飛去邊玩?)想去法國,好多年無飛,想去遠啲。」

 

  另外,將於周五開騷的陳奕迅,昨日公布演唱會一系列紀念商品,包括短袖T恤、衛衣、大頭立體貼紙、背囊、帆布袋、香薰蠟燭、收納小包、紀念襟章等,所有產品Eason都有份參與籌劃,甚具個人風格。

 

Eason早前飛往法國香薰廠商,親自混製「臣之獨有氣味」。

 

 

 

轉載自: 晴報

全新節目《說說心理話》原生家庭對成長有咩影響?改善溝通有計可施?► 即睇

更多娛樂情報文章
你可能感興趣
#張敬軒 #演唱會
編輯推介
即時報價
全文搜索
Search
最近搜看
雙幣交易
聚焦兩會2024
More
Share