加入最愛專欄  收藏文章 

2022-12-14

笑金牌媒人林盛斌辦事不力 胡定欣自嘲感情成績表「零分」

  【晴報專訊】胡定欣昨日與譚俊彥(Shaun)出席《最強人氣品牌大獎2022》頒獎禮,定欣最近不停獲獎,事業運強,但感情生活仍然空白,她自言已無開任何擇偶條件,身旁的Shaun安慰她寧缺勿濫,感情事順其自然就好。

 

定欣與Shaun盼望廣告合約陸續有來。

 

女人味十足的定欣,笑言會叫朋友介紹合適對象。(IG圖片)

 

  譚俊彥與胡定欣昨日分別獲得「最強人氣廣告男、女星」,定欣繼日前在《AEG娛樂人氣王頒獎典禮》獲頒「最佳女演員」後,昨日再度得獎,她笑言算是有好意頭:「我同呢個健康產品合作咗十年啦,好多謝佢哋一直支撑住自己,有健康身體,先令我更專注事業。(想拍甚麼廣告?)我之前拍咗《白色強人II》,所以想拍同醫療、健康有關嘅廣告。」至於Shaun今年成為月餅代言人,廣告內容充滿溫情,問他可會想跟女兒父女檔拍廣告?他說:「等小朋友大啲先,佢哋都係讀書為重。其實之前有廣告搵過小朋友拍,但係我都推咗。」

 

譚俊彥不心急父女檔搵錢

 

  聖誕將至,Shaun表示會帶小朋友到主題樂園玩,定欣聞言即酸溜溜說︰「我都想有人同我去主題樂園玩呀,其實今年我都會同朋友一齊過聖誕嘅,會叫朋友唔覺意帶多啲朋友出嚟介紹下。」提到「金牌媒人」林盛斌(Bob)早前請纓為定欣牽紅綫,定欣笑說:「係囉,都年尾啦,張成績表都仲係零分,咁點算先?」身旁的Shaun安慰定欣,指感情事順其自然就好,寄語寧缺勿濫,定欣苦笑說︰「話晒最強人氣女藝人喎,唉,唔揀都揀咗咁多年,已經去到無條件呀,行出嚟啱就啱㗎喇。」

 

炎明熹獲頒「最強人氣廣告歌演繹歌星獎」。

 

轉載自: 晴報

全新etnet健康網購,送你【健骨維他命D3(1000IU)】乙樽(價值$108)► 立即行動!

更多娛樂情報文章
你可能感興趣
#譚俊彥 #胡定欣 #林盛斌
編輯推介
即時報價
全文搜索
Search
最近搜看
雙幣交易
聚焦兩會2024
More
Share