【晴報專訊】薛家燕、麥美恩（Mayanne）和朱智賢等昨日為賀歲劇《黃金萬両》宣傳，家燕姐指多年沒有拍劇，朋友和粉絲都十分支持。她更預告在劇中與李成昌有咀戲，「我都有幾廿年無拍過咀戲啦，李成昌仲話可以遷就我，想要激烈啲都得，我內心梗係想激烈啲，不過效果都係搞笑居多。（蜻蜓點水？）咁又唔止，拍嘅時候都有啲怕醜、有面紅，個心仲卜卜跳。」

家燕笑言唔介意拍床戲，但會要求清場。

　　另外，Mayanne透露新年陪父母四出拜年，她笑言利市收入可觀。有否被長輩催婚？她笑言︰「無，傳媒成日問會有報道，佢哋上網睇就得啦。」她為轉移話題而大爆身旁的朱智賢年紀比自己大，應該對方先嫁人，朱智賢笑言等男友謝東閔識做，「我要驚喜，無驚喜唔嫁。」

麥美恩和朱智賢被取笑誰先嫁得出。

轉載自: 晴報

全新節目《說說心理話》青少年不可以戀愛！？真實個案講述驚心動魄經歷► 即睇