加入最愛專欄  收藏文章 

2023-03-23

《中年好聲音》最年長參賽者 71歲吳大強︰畀同齡人一份衝勁

  【晴報專訊】吳大強以71歲之齡參加歌唱比賽《中年好聲音》,每次表演從容淡定的他,成功俘虜評判及觀眾,不但勇闖十強,更成為大熱門。雖然兒子吳偉豪是TVB藝人,但大強表示絕對沒有「拉關係」,他在退休後才接觸演藝行業,希望藉自身故事,鼓勵同齡人勇於追夢。

 

 

  吳大強憑沉穩唱功殺入十強,是不少參賽者的榜樣。「比賽去到依家已經係意料之外,唔會太睇重輸贏,最重要係為觀眾唱首好歌。依家街上好多人叫我大強,有次我戴口罩,有途人喺我面前唱《Oh, Pretty Woman》,我話︰『唔使唱喇!我真係大強!』其實好開心。」雖然兒子吳偉豪是藝人,不過大強跟其他參賽者一樣,參加海選入圍,「好多人認為我個仔喺TVB工作,一定識好多人,但我一個都唔識,連報名都無話畀個仔知。」

 

大強唱英文歌大獲好評。(資料圖片)

 

重視四個兒子興趣

 

  從小受兄姊薰陶,大強愛聽歐美流行曲,更自學結他,亦參加過不少歌唱比賽,跟音樂結下不解緣。「以前覺得做歌手係遙不可及嘅事,一直好嚮往演藝圈,中西電影、電視劇、粵語長片都睇好多,絕對係戲迷。」因苦無入行機會,他唯有努力讀書,英語不俗的他畢業後當上班族,後來成為酒店管理層。事業有成,讓大強能為四個兒子提供不錯的學習環境,在國際學校升學,長大後各展所長。大強說︰「啲仔主要由太太照顧,我原則係佢哋互相尊重,唔係老大就有優待。兄弟之間互相支持、幫助,佢哋連衫都輪流着,大仔傳畀二仔,二仔傳畀三仔,喺較重紀律嘅家庭成長,佢哋生活得好開心。」大仔吳偉諾是消防員,二仔吳偉言是飛機師,三仔吳偉豪是藝人,四仔吳偉傑仍在澳洲讀大學,大強說︰「希望佢盡快畢業返港工作,一家人團聚,我哋一直紮根香港。」

 

吳家一門四傑,外形條件不俗。(資料圖片)

 

  今年初,大強在台慶頒獎禮見證兒子奪飛躍進步男藝員,「我支持阿仔嘅工作,首先佢要有興趣,佢求學時期都有參加話劇班。而且我覺得佢有條件,學問、外形,又有演藝魅力,真係唔錯!聽聞呢行好複雜,我又唔太認同,特別係《愛•回家之開心速遞》劇組,關係好似屋企人咁,我好放心。」父子如今成為同事,大強沒想過客串《愛•回家》,「就算有機會都要睇能力,如果成日NG…我最怕拖累人。」

 

大強見證吳偉豪得獎,令他深感安慰。(IG圖片)

 

寄語心態要年輕

 

  談到《中年好聲音》,大強坦言錄影時間長的確辛苦,幸好體力能應付。「比賽反而令我有動力提升自己,否則就會落後。見到我呢個例子,畀到同齡或者比我後生嘅人一份衝勁、希望。人仲有好長嘅路要走,心態要年輕,莫講話依家70歲,就算去到80歲,我相信只要有恆心,勤做運動,身體都唔會退化得太厲害,最緊要睇起嚟有神采。我對呢行感興趣,依家親身體會到,絕對係一種福氣。」

 

轉載自: 晴報

全新etnet健康網購,送你【健骨維他命D3(1000IU)】乙樽(價值$108)► 立即行動!

更多娛樂情報文章
你可能感興趣
#中年好聲音 #吳大強
編輯推介
即時報價
全文搜索
Search
最近搜看
雙幣交易
財政預算案2024-25
More
Share