加入最愛專欄  收藏文章 

2023-05-19

MIRROR四子暑假開騷 姜濤虛心接受泥魚孟提點

  【晴報專訊】MIRROR成員姜濤、柳應廷(Jer)、盧瀚霆(Anson Lo)及呂爵安(Edan)昨日出席記者會,宣布四子將於七月及八月舉行個人演唱會,而江熚生(AK)及陳卓賢(Ian)則在明年夏天開騷。姜濤早前被RubberBand鼓手泥鯭(黎萬宏)狂寸,引起雙方粉絲罵戰,姜濤認同自己有不妥當的地方,並虛心接受前輩提點。

 

(左起)Jer、姜濤、Edan及Anson Lo對於單飛開騷大感興奮。

 

  四子昨日吸引大批粉絲逼爆商場,打頭陣開騷的柳應廷笑言可能表演跳舞,盧瀚霆則想在個唱上表達自己的不同面向。姜濤表示需要練好唱歌跳舞基本功,希望屆時大家看到他有進步;Edan坦言擔心不夠歌開騷,會盡快推出更多新歌。問開騷時可會趁機曬肌?Anson Lo笑說︰「我唔係行sexy路線,係清爽路線,我都想勁過平時,但擔心條件唔夠,因為我身材唔夠柳應廷咁勁,我見過佢half body,佢大隻過我。」

 

  姜濤早前在頒獎禮上向11位兄弟講心底話,遭泥鯭出po狂寸,昨日他表示︰「多謝任何人嘅提點,尤其係前輩,由入行到依家都提醒自己要虛心接受…我唔係一個好完美嘅人,好多時做咗好多嘢,的確返轉頭睇時都覺得有唔妥當嘅地方,但都秉持真誠嘅心,只要喺唔傷害任何人嘅前提下,日後都會表達自己想講嘅嘢。」

 

姜濤表示會秉持真誠的心。

 

Jer澄清錄TFT機會得一次

 

  另外,姜濤、Anson Lo、Jer及李駿傑登上THE FIRST TAKE平台獻唱,但遭網民質疑後期加工造假,Jer澄清說︰「我相信TFT係好專業嘅平台,我哋的確得一次機會,所以先咁緊張。事前我哋做好多練習,四個人上咗個幾月堂,所以會畀自己90分。你話有無一啲後期mixing,咁一定有,因為佢哋會調整一啲balance上嘅嘢,但TFT就係想畀大家聽到最原本嘅歌手聲音,相信佢哋秉持呢個精神,亦相信佢哋嘅專業。」

 

四子登上TFT平台唱歌,但遭質疑造假。

轉載自: 晴報

全城注視!銀行定存比較神器,助你搵到最佳息率!► 立即了解

更多娛樂情報文章
你可能感興趣
#MIRROR #TFT #姜濤 #柳應廷 #盧瀚霆 #呂爵安 #江熚生
編輯推介
即時報價
全文搜索
Search
最近搜看
雙幣交易
聚焦兩會2024
More
Share