加入最愛專欄  收藏文章 

2023-06-08

「Dee家族」首次合體 何啟華開心互相帶挈搵食

  【晴報專訊】ERROR副隊長何啟華(阿Dee)昨日聯同有「翻版阿Dee」之稱的梁浩朗(Aaron),以及「Dee姐」陳海寧,首次合體成「Dee家族」出席活動。阿Dee與陳海寧以兄妹相稱兼曾合作節目,他笑指跟Aaron很有緣,相信兩人上世已結緣,所以今世互相帶挈搵真銀,但就拒絕結拜做「真‧兄弟」。

 

「翻版阿Dee」Aaron和阿Dee無論樣貌、表情及聲綫都十分相似。

 

  何啟華和梁浩朗昨日首次一起出席活動,阿Dee表示大會邀請他們是因為配合電影《閃電俠》的情節。Aaron首次出席公開活動,感到緊張又好玩,亦期待再有合作機會,阿Dee更笑言可以找Aaron做其替身,Aaron笑言︰「佢有其他嘢做時,可以搵我頂住先,任何工作機會或者幕前都可以試下。」順利晉身《全民造星V》60強的Aaron,拒透露何時被淘汰出局,但他強調會兼顧大律師工作,身旁的阿Dee即表示︰「藝人呢啲係副業,大律師千祈唔好放棄呀。」

 

阿Dee、陳海寧和Aaron首次以「Dee家族」亮相。

 

勸梁浩朗不要做全職藝人

 

  問阿Dee認為Aaron的演藝路可以走到多遠?他說︰「佢應該一世做律師,藝人就兼職下,盡力而為啦,攞獎唔代表最好,輸贏唔重要,同埋佢已經贏咗㗎啦,一行出嚟已經成為焦點。(因為你帶挈?)互相帶挈啦,緣份真係好難講,我無啦啦有個律師角色(電影《毒舌大狀》角色),之後走個律師出嚟同我撞樣,仲要係參加《全民造星》,可能我哋上一世已經結緣。」問二人可會結拜?阿Dee沒有正面回答,笑笑口謂︰「係咪要燒黃紙、斬雞?」Aaron則說︰「大家就咁望都覺得似兄弟就夠。」

 

  至於同場的游學修,提到近日其主理的網上頻道「試當真」,被指拍片影射現今偶像而搞到「脫粉」,游學修否認︰「無呢件事,觀眾反而最鍾意我哋呢條片,同埋我哋只係扮演角色,絕無冒犯任何人。」

 

游學修透露九月與黃秋生合演舞台劇《極地謎情》。

轉載自: 晴報

全新節目《說說心理話》原生家庭對成長有咩影響?改善溝通有計可施?► 即睇

更多娛樂情報文章
你可能感興趣
#游學修 #ERROR #何啟華 #翻版阿Dee #梁浩朗 #陳海寧 #閃電俠 #全民造星V
編輯推介
即時報價
全文搜索
Search
最近搜看
雙幣交易
大國博弈
More
Share