突然又已一年～大家仲記唔記得「峯搶手機」事件呢？唔經唔覺呢件事就真係差唔多過咗一年喇！今日法庭先開始開審，不過點知審審下又發生咗啲小插曲噃！就係走火警喇！

黨籍凍唔凍都冇大分別

　　Jenny同大家回下帶先，上年4月喺立法會開緊「一地兩檢」條例草案委員會之際，民主黨嘅許智峯就發現一名女EO喺到紀錄議員們嘅行蹤，埋去問咗兩句就小學雞發作，搶走人哋部手機，仲跑入男廁睇，而女EO就嚇到花容失色，唔知點算好，最後就報埋警添！此事一出，建制派就梗係圍攻啦，民主派都唔敢點攬佢啦，民主黨仲凍結埋佢黨籍添！不過佢又繼續可以喺黨慶唱歌仔，外人眼中即係凍唔凍都冇大分別啦！

燈箱老化「自焚」 疏散200人

　　警方最後就告許智峯3條罪，包括普通襲擊、有犯罪或不誠實意圖取用電腦，以及阻礙公職人員執行公務，今日就喺東區裁判法院開審。佢就3條都否認晒，所以就開始傳召證人作供。第一證人、即係涉事嘅女EO梁諾施首先作供。點知講到一半，突然就要走火警噃！原來係因為法院大樓6樓嘅走廊通道，其中一個出口指示牌燈箱懷疑因為火牛老化，竟然「自焚」冒煙！搞到大樓內成200人要即時疏散，許智峯都唔例外。消防員接報到場之後大約17分鐘將火救熄，總算係有驚無險！不過大家就要喺一陣 （火羅）味之下繼續開庭喇！名副其實「

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

全新節目《說說心理話》青少年不可以戀愛！？真實個案講述驚心動魄經歷► 即睇