收藏文章 

2019-05-20

「天要下雨,娘要嫁人」修例今鋪過硬喇!

  好天咗咁多日,去到Blue Monday就開始落雨喇!天文台都話今日「多雲,間中有驟雨」,雖然朝早仲見到陽光,不過差唔多食晏嗰陣就開始風雲變色,Jenny都Feel到有啲山雨欲來嘅感覺。唉!好嘅唔靈醜嘅靈,政府今日又嚟玩突襲記者會啦!即係咁,之前即使突襲,都係上午公布下午見人,今次直情係1點公布3點見人添呀!政府「效率」又高咗喇!

 

 

 

譚耀宗朝早露口風 

 

  今次見嘅又係保安局局長李家超,雖然份採通就冇寫因咩原因開記招,不過睇開呢排新聞都知實關《逃犯條例》事㗎啦!咁啱今朝人大常委譚耀宗同立法會主席梁君彥都不約而同咁話政府將法案直上大會唔違反《議事規則》,莫非……

 

  呢排呢個議題咁Hit,為防見唔到局長一面,Jenny梗要早早去到政總準備先得!而天文台喺下午都發出咗兩個雷暴警告,喺等候期間都行咗幾個雷,有行家就講笑咁講,阿局長真係「腳頭唔好」喇!

 

行雷閃電會出事 直上大會冇得傾?

 

  果不其然,局長一出嚟就單刀直入,話已去信立法會內務委員會主席(即係民建聯李慧琼),要求6月12日將修例草案繞過法案委員會,直上大會恢復二讀。其後無論面對記者問咩問題,包括台灣唔同意咁樣移交陳同佳點解決、如果因為咁解決唔到台灣殺人案咁點算云云,佢都係一副「無懼世事變改」,還是重複咁答「本著務實嘅態度、本著公義嘅原則去同台方溝通」。睇嚟天要下雨,娘要嫁人,今次呢條《逃犯條例》,係點都要過㗎啦!

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

全新etnet健康網購,送你【健骨維他命D3(1000IU)】乙樽(價值$108)► 立即行動!

更多言歸政傳文章
你可能感興趣
#保安局 #議事規則 #逃犯條例 #立法會
編輯推介
即時報價
全文搜索
Search
最近搜看
雙幣交易
聚焦兩會2024
More
Share