加入最愛專欄  收藏文章 

2018-02-08

【狗年風水攻略】東南財來 正北有災

    今年吉位係去年嘅延伸,舊年喜慶位在東南、財位在正東;今年當旺財星在東南、過氣財星在正東,即係舊年發嘅人今年仍然發。而喜慶星本年飛至中央,喻示好消息,人人有份?唔知係咪政府派糖呢?

 

西北桃花開

 

 

  今年吉位係去年嘅延伸,舊年喜慶位在東南、財位在正東;今年當旺財星在東南、過氣財星(退氣而仍有少少力)在正東,即係舊年發嘅人今年仍然發。而喜慶星本年飛至中央,喻示好消息,人人有份?唔知係咪政府派糖呢?

 

  當旺財星八白在東南,亦可能指東南亞有繁榮現象,短假期長周末可以去遊吓。

 

  喺個人層面,如果你咁好彩,大門或睡房門或床頭在東南,今年應好好把握機會,呢個位要注意。

 

  (一)一定要企理。有朋友間屋滿佈雜物,我叫佢執,佢扁咀,我唯有叫佢至少都執東南位啦。否則財氣到臨都搵唔到地方落腳,你話幾蝕章呢!

 

  (二)催財之法,各門各派,各施各法。有人放八珠鐘,但搵得錢嚟可能比較辛苦,當紥當併可以考慮;亦有人放魚缸;再慳水慳力嘅,就放一杯清水,記得換水,否則變了濁水、死水,咁就見財化水!

 

  大家喺家中去慣東南方,想換個位置起居飲食,可以揀屋中央或者廳中央,你可以好似海綿咁吸吓九紫星嘅喜氣,有望結婚、生子、升職、加薪。

 

  另一事業吉位為文昌位,今年喺正南,無論大人小童,但凡讀書、考試,都宜喺呢度放水種富貴竹四枝。

 

  今年桃花星飛到西北,想得到柔情似水嘅姻緣,或者事業上異性人緣,最安全係放一杯清水喺西北方,因為今年太歲位亦係呢度,宜靜不宜動。

 

  另一宜靜嘅方位係正北,係五黃盤踞之地,五黃係頂級災星病符,此處要注意:

 

  一、切不可動土

  二、不可放要器

 

  (三)化解方法。唔怕煩嘅可自製安忍水、怕煩嘅可放六個銅錢,或者一個大銅錢。

 

  次級病符二黑星今年黑到正西,尤影響屋中主婦,宜放一個大銅錢鎮住。

 

  各位旅行玩樂,最好避免西遊或北遊,除咗可能有天災之外,仲可能有人禍,唔知D神經嘅人會唔會發動恐襲甚至戰爭。去玩啫,唔駛搵命搏!

 

etnet財經 ‧ 生活App獨家「銀行匯率比較」功能 立即下載 iOS/Android

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

更多玄來更精彩文章
你可能感興趣
#2018運程 #風水玄學
編輯推介
即時報價
全文搜索
Search
最近搜看
新型肺炎
全球放水
More
Share