加入最愛專欄  收藏文章 

2021-07-08

中女魅力沒法擋!有腦、有舖、有牙力!強勢女人有何面相特徵?

  「你夠惡、又夠叻,好啦,我就死在你手上啦!」

 

  這是我朋友向勇悍中女求愛的異類宣言!

 

  愛情故事的開始並不浪漫,不過熱鬧,或者,應該強調個「鬧」字。

 

  星期六早上,他走進一間平價店,想搜購一些家庭用品。

 

  突然,看見一師奶氣沖沖的衝進來,把一個膠架扔到老闆娘面前,擲地有聲,震動全店。

 

  老闆娘檢視膠架的「殘骸」,發覺有一個爆口。

 

  「膠架係成件bare出嚟嘅,唔容易裂個喎,你係咪跌過落地,而且唔只一次呀?」

 

  女子神色一緊,似乎被說中了,但仍死撐。

 

  「冇呀,你呢D咁冇質素嘅人就賣D咁冇質素嘅貨。」

 

  「如果冇跌過,就係你粗魯囉,你係咪咁對老公㗎?」老闆娘說。

 

  我朋友在旁好想笑。

 

  「哼!你亂咁嗡。其實我都唔想買呢件嘢,係你伙記狂Sell我咋喎。」師奶想轉話題。

 

  此時老闆娘動真火了,人腦操作由偵探模式轉至噴火模式:

 

  「師奶,你明顯係老屈我伙記,呢間店D貨十蚊一件,成萬件,我伙記駛乜Sell你?佢收錢都收唔切。我啱啱巡舖經過啫,如果唔係,佢咪食死貓。嗱!十蚊雞事小,冤枉人事大。師奶,我唔會換畀你嘅,你鍾意就告我啦。仲有,你以後唔好再入嚟我間舖,我會掃把你!」

 

  師奶仔得閒無事就嚟執平貨,唔準嚟,咁咪少咗好多人生樂趣,於是即刻跪低。

 

  「咁……咁可能係我唔覺意跌過啦……唔記得囉。」

 

  老闆娘見真相大白,面色大為好轉,立刻吩咐伙記:

 

  「換過個架畀佢,再送一件貨。」

 

  師奶歡天喜地的走了後,我朋友向老闆娘說:

 

  「有邏輯、有氣勢!」

 

  「哥哥仔,係有道理呀!」

 

  老闆娘那得意的笑容,瀟灑而自信。

 

  朋友突然覺得這中女幾吸引。

 

  原來強勢的女人也有其魅力。究竟老闆娘的相有何特點呢?

 

  一、面夠大:面大的人野心大、動力足,喜歡在人生開拓廣版圖,肆意遊走,最怕狹窄的空間和原地踏步的局面。因此擅長創業、擴張、打拼。當然,成功與否,就看眼神和骨格是否有力。

 

  二、假哨牙:這就與牙力有關了,假哨牙的人,

 

  a, 外向,適合前線和外向的職業,完全配合臉孔大的相格和局面大的性格。

  b, 牙尖咀利:得理不饒人,一於「誅」死你,殺傷力極大,是「嗌交」的長勝冠軍,亦從來不會接受人屈,一定雙倍奉還,鬧到你殘。

 

  這性格和我朋友真是絕配,他從事會計行業,是隻謹小慎微的鵪鶉,老闆娘在這場小風波所展現的大氣度令他折服,於是展開追求。

 

  有人問他怕不怕被悍女「恰」時,他豁達地答:

 

  「做人呢,點都要交D保護費嘅!」

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

現凡訂閱etnet YouTube Channel,即賞麥當勞現金券!
► 立即行動

更多玄來更精彩文章
你可能感興趣
#玄學 #命理 #相學 #面相 #中女 #強勢女人 #假哨牙
編輯推介
即時報價
全文搜索
Search
最近搜看
監管風暴
跨境理財通
More
Share