加入最愛專欄  收藏文章 

2021-08-24

買樓賣樓的偽術

  有老友問,如果在買樓的過程中呈膠著狀態,有甚麼方法打破兼得到最大利益,我問在買方抑或在賣方,兩者有不同做法,但萬變不離其宗,這只是買賣的偽術,如果掌握得好,對雙方都有利。

 

(iStock)

 

  有人打算買一個物業,已經俾到業主要價,但業主毫無反應,負責穿針引線的物業代理當然叫買家追價,很多時買家都會追價,但更多情況就算買家追價都買唔到,追價反而令業主唔敢賣,覺得自己開錯價,買家倘若追多兩次價,業主反而封盤唔敢買,所以,買家要有更大膽做法才可以買到心頭好,甚麼是大膽做法,就是降價,不是買家自己降價,而是搵親友代勞,減2-3%,多數不會成功,再搵人代勞,再降價3-5%,到那時候,如果業主真的是有心賣樓,他會覺得心寒,因為唔知道樓價下跌到幾時,於是有機會接受最初的offer,甚至會減多少價。

 

  打算賣樓的人有截然不同做法,不少業主開價之後,雖然有人有興趣,但沒有人還價,在那個時候,大多數物業代理叫業主降價,倘若業主從善如流,結果是阿崩叫狗,愈叫愈走,最後都冇人還價,其實,既然冇人還價,業主在那時候反而應該加價,第一次加價,一定會俾人笑話賣唔出都會加價,第二次加價時就會有人後侮,點解唔早些少買,最後賣出的價錢比原先的要向價還要高,有人話我只是紙上談兵,實際上是做唔到,這點我也同意,不過,自古成功在嘗試,如果唔試,又點知得唔得。

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

【搶先申請】免費試用etnet強化版MQ手機串流報價服務! ► 立即行動

更多樓市亮話文章
你可能感興趣
#樓市 #買樓 #賣樓 #壓價 #買家 #心理 #業主
編輯推介
即時報價
全文搜索
Search
最近搜看
監管風暴
恒大困局
More
Share