加入最愛專欄  收藏文章 

2022-12-21

帶埋大肚老婆去買樓是最有誠意

  有年輕朋友打算買樓,出價與業主的要價有一段小距離,佢睇到報紙話有買家用誠意打動業主賣樓,於是問代理甚麼是最有效的誠意,是不是去業主屋企門口等回覆,只要業主肯首便立刻簽約。代理話唔係,最大誠意就是畀到業主要價,唔能夠話代理錯,但傳媒話買家用誠意打動業主減價,俾足價錢就唔算用誠意打動業主。

 

(istock)

 

  我對年輕朋友講,最大的誠意就是帶埋大肚老婆同業主講價,我有過類似經驗,多年前我賣一個單位,買家的還價與我的要價有一段小距離,在代理安排下,大家見面作最後商討,我亦打算接受買家還價,但要搵一個下台階。當時我見到買家帶埋大肚老婆一齊嚟,於是對買家講,我唔會減價,不過會封一封利是畀未出世的小朋友,銀碼是雙方的差距,對方非常開心,我亦開心。

 

  年輕朋友話,這只是我多年前經驗,現在是否管用,百分百管用。台灣剛剛完成九合一選舉,民進黨大敗,國民黨奪回台北市,代表國民黨出戰的是蔣萬安,蔣介石的第四代,雖然蔣萬安有上三代庇蔭,但不及第五代,即是他未出世的子女,蔣萬安帶埋大肚老婆去競選,贏了不少游離票,最後大勝對手,連國民黨元老都覺得很奇怪,所以,千祈唔好嫌大肚老婆阻住晒,很多時反敗為勝或者達成協議都是因為老婆大肚。

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

全新節目《說說心理話》原生家庭對成長有咩影響?改善溝通有計可施?► 即睇

更多樓市亮話文章
你可能感興趣
#樓市 #買樓 #年輕人 #孕婦
編輯推介
即時報價
全文搜索
Search
最近搜看
雙幣交易
大國博弈
More
Share