加入最愛專欄  收藏文章 

2020-08-24

《Online有話兒》特朗普腹背受敵,連親家姐都篤佢

  美國大選日子愈來愈近,民主黨候選人拜登扭盡六壬,又拉埋共和黨人入隊,勢要將特朗普拉落台。畀對手插,預咗啦!但無預到嘅,係連自己83歲嘅親家姐都篤埋一份。噢!

 


(Shutterstock圖片)

 

侵侵家姐錄音曝光,批評細佬殘酷且大話連篇

(Shutterstock圖片)

  

  出嚟批評侵侵嘅人似乎愈來愈多,而且好多都係佢嘅親人!上次姪女瑪麗(Mary Trump)出完書後,佢再流出一段錄音,據稱呢段錄音就係侵侵?胞姊、前聯邦法官瑪莉安(Maryanne Trump Barry),係呢段15小時嘅對話內容,家姐對呢位弟弟批評到體無完膚:



  「佢成日都係推特上面亂咁講嘢,又成日講大話、善變,做人又虛偽又殘忍,之前佢入到大學,都係因為畀錢個朋友,「請槍」先入到大學咋!他唯一獨立完成的任務就係破產!」



  點解會有呢段錄音呢?據聞姪女瑪麗知道有位「家族成員」係有講大話嘅前科,預計呢位「成員」對自己嘅訴訟將會接踵而來,所以錄低呢段嘢想保護自己咁話。一家人搞到好似「溏心風暴」咁,真係有錢又如何?!

賀錦麗參選副總統,指摘侵侵「領導失敗」

 


(Shutterstock圖片)

 

  加州聯邦參議員賀錦麗(Kamala Harris)早前接受民主黨提名,成為首位獲政黨提名參選副總統嘅有色人種女性,真係叻叻!民主黨呢幾年都搵有色人種參選,主打種族話題,同時又針對侵侵嘅領導失敗:


  「正因為侵侵領導失敗,先搞到民眾失去生計,甚至失去性命,正正有人將悲劇當政治武器,所以我同拜登必定講真話,先可以面對到挑戰,大家要支持拜登!」


  究竟種族話題可唔可以為民主黨帶來勝仗呢?真係不得而知啦!最新民調顯示拜登嘅支持度只係領先緊8個百分點,真係鹿死誰手都仲未知呢!



拜登:特朗普討好普京無視迫害公民社會

 

(Shutterstock圖片)


  一場選舉,口水戰就梗係唔少得。侵侵話有情報顯示中國好想拜登勝出,而拜登亦出文指摘對手,為討好俄羅斯,就連普京點樣迫害公民社會同新聞工作者都視若無睹,並強調自己與侵侵唔一樣,會捍衛民主價值。

  選舉就係咁㗎啦!選之前就話乜話乜,選之後就過咗海係神仙;咪睇吓跑到最後,邊個勝出啦!

 

撰文:李皆穎

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

更多Online有話兒文章
你可能感興趣
#理財
編輯推介
即時報價
全文搜索
Search
最近搜看
中概股回歸
新型肺炎
More
Share