加入最愛專欄  收藏文章 

2023-11-07

香港新式街頭騙案,你又遇過幾多次?-被人喺ATM屈錢

  街頭騙案年年都有,而且愈來愈新、愈來愈多花款,究竟你又遇到邊幾款?原來騙案隨時隨地都可以發生,所以【騙局大拆解】一連三集,同你剖析騙局。第一集嘅騙案,仲喺銀行入面發生!




網友FB開Post,話被人喺ATM屈錢

 

 


  就喺呢個月,有網友話自己早前喺自動櫃員機(ATM)拎錢嗰陣,突然被一名女子喝止,聲稱自己唔記得拎錢,仲大大聲話「你做乜拎咗我D錢!」指控該名網友乘機搶錢,金額達5000蚊,惹來街坊關注。好彩呢位網友拎錢嗰陣有拎到收條,並且畀嗰名女子檢查,事後女子先再話番自己喺第二部機拎錢,唔關該名網友事。


  但該名網友諗番轉頭條氣十分唔順,好似無啦啦被人屈搶錢,十分唔開心。但其實遇到類似情況,應該點做好呢?又或者本身自己真係大頭蝦,唔記得拎錢情況下又要點做?


  其實香港嘅自動櫃員機附近,一早有晒攝像鏡頭,如果你拎走一筆唔屬於你嘅錢,就已經犯咗刑事罪行!咁自己㩒咗機唔記得拎又點呢?其實,櫃員機如果感測到有人未拎錢,就會自動將錢入番去所屬戶口,所以唔使擔心。最緊要第一時間檢查自己戶口有無少到錢,如果少咗就立即報警備案,然後再去通知銀行。㩒咗機,最好留番收據,而假如被人屈錢,咩都唔使講啦,三條九啦!

 

撰文:李皆穎

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

WoW WoW星期三:健康網購產品低至$99 (只限今天)► 立即行動

更多騙局大拆解文章
你可能感興趣
#騙局大拆解 #街頭騙案
編輯推介
即時報價
全文搜索
Search
最近搜看
貨幣攻略
大國博弈
More
Share