因花旗國的20年期國債拍賣反映需求疲弱，加上孖屐擔心花旗國財赤問題加劇，隔晚美股受挫。而香江魚缸連升2日後，周四(22日)亦見回吐，收市報23544點，跌283點，成交1982億銀。美股不生性，魚缸可唔可以獨善其身？支持位睇邊？

　　聯想(00992)上個財季純利按年大跌64%，主要受衍生品虧損及手提電腦市場價格壓力影響，股價績後隨即愈插愈多，收市跌逾5巴仙，報9.57銀。聯想盈利表現走樣，但係營收連續四個季度實現兩位數增長，而且有數據指聯想今年首季出貨量不俗，市場反應係唔係過咗火？

　　另外，小米(01810)即將舉行新品發布會，明日(23日)亦會討論當中有何亮點！

　　明天請來iFAST Global Markets投資總監溫鋼城，同大家分析上述股份、大市走勢，當然唔少得分析其他焦點股份！歡迎大家提問投資及其他股票問題。記得8:55am昅實《經濟通》NewsTV直播節目--喇！或者click入嚟https://www.youtube.com/watch?v=AAaYHyIJ4X8打個卡先又得！

【你點睇？】白宮記協晚宴爆發槍擊案，你認為事件會否提升共和黨在中期選舉的勝算？你認為特朗普會否被國內安全問題吸引，削弱對伊朗軍事動作力度？ ► 立即投票