香江魚缸炒作比亞迪(01211)智駕大計以及AI應用，高開逾百點，但升至去年10月初以來高位後倒跌，收市跌125點，報21396點，今輪主要靠DeekSeek概念炒上，惟目前魚缸9天RSI已出現超買，抖下氣都正常？

　　中芯(00981)將於收市後公布全年業績，根據集團早前指引，孖屐預計中芯上年營業收入將創新高，或達到575億人仔，年增長率約為兩成七，股價近日於高位整固，一旦其業績未能令孖屐滿意，將成為進一步調整嘅藉口？

　　舜宇(02382)逆市升逾3巴仙，除蘋果據報將推出新款平價機型iPhone SE 4外，智能駕駛方面，比亞迪打響智能駕駛普及化第一槍，DeepSeek加速亦實現「全民智駕」，而舜宇作為全球最大嘅車載鏡頭供應商，未來隨著高級輔助駕駛系統(ADAS)滲透率的逐步提升，舜宇有望搶佔智能駕駛呢個藍海市場嗎？

　　明日(12日)請來資深財經分析師熊麗萍，同大家分析上述股份、大市走勢，當然唔少得分析其他焦點股份！歡迎大家提問投資及其他股票問題。記得8:55am昅實《經濟通》NewsTV直播節目--喇！或者click入嚟https://www.youtube.com/watch?v=vSHX6tzJpss打個卡先又得！

【你點睇？】特朗普出兵委內瑞拉、拘捕馬杜羅？立即參與投票，睇睇大家對國際法同「新門羅主義」有幾大分歧。► 立即投票