遊這裏，Instagram會爆LIKE！去完阿姆斯特丹，荷蘭還有呢粒「丹」

2/ 涅槃重生　街市住宅二合一

　　二戰時，希特拉為逼荷蘭投降，炸到鹿特丹變杮餅，揚言若果荷蘭仍不投降，其他城市就會跟鹿特丹結局一樣。於是，荷蘭馬上投降；而鹿特丹，則名符其實變成一個「炮灰」。

 　　二戰後，一切由零開始！荷蘭政府鼓勵創意建築，希望為鹿特丹重新注入靈魂。於是，今時今日，周圍都是嘆為觀止的建築，打卡位總有一個喺左近！

　　「廚職背遊」 的我，最愛逛街市！既感受風土人情，又貼地知物價。鹿特丹的拱廊街市（Markthal），可能是我逛過，最有視覺享受的街市！

街市樓底 7-8層樓高，空間感十足，置身巨型天幕下買餸，好架勢！

流線型的框框，不是貪靚「多舊魚」，而是住宅，既美觀，又實用，設計聰明！

下層仲有乾坤，係另一個大型超市同埋停車場

　　Markthal 是巨型室內街市，它外面又有一個巨型室外市集，逛大半天無難度。在街市，觀察當地人買餸，對我來說，是個百看不厭的行程。

　　Budget travel 最開心時刻，千挑萬選後，揀中好味的街市小吃！比利時窩夫，在歐洲十分流行，但即叫即製的熱辣辣窩夫，倒是第一次吃！檔主小心翼翼將剛夾好的窩夫劏開一半，再搽上暖笠笠焦糖，再次合體，實在好好味！盛惠 1.5歐，約 HKD$15。

下一頁，還有荷蘭 NUMBER ONE 漢堡包！