• |
  • 極速報價
  • |
  • 會員
  • 產品服務 / 串流版
  • 設定

23/05/2018

前度邀約:你估旅行去玩定約炮?

  • 收藏文章

  上半年就完,如果你平時勤力返工,煩惱又來了,年假要清,點算?

 

  「佢知我plan緊去日本,話不如一齊去。」她說。

 

  「咁識約?」我不禁失笑。

 

  「佢話既然要清假,又就到時間…。」她說的「佢」是前度,間中聯絡那種。

 

       有錢、有假期、有本護照,隨時飛啦,但好約不約,偏找前女友同行!

 

  「你哋咁曖昧嘅。」

 

  「算唔算呀?!佢有講過仲掛住我,不過唔似想復合。」

 

  不會一起,卻約去旅行,古怪。

 

  「你會去?」

 

  「印象中佢都係個好嘅travel buddy…。」

 

  「咁會同一間房?」

 

  「佢話同房平好多…你覺得呢?」

 

  這些對話怎麼接下去…我信男女間有純友誼,但曖昧前度去旅行,還不避嫌提出同房?我才不天真!

 

  邀約前度去趟旅行,真是好難相信是正常…他的相約是無意還是心邪?吃喝玩樂後回房再吃…幾天幾夜,關上門關上燈黑漆漆的,驚驚呀!到這刻都繼續說曖昧情話,又無意思續前緣的他,有理由相信不過是想「食」不想「留」。

 

  誰都知一男一女去旅行,幾近有潛台詞,答應同行就等如接受不言喻的暗示,如何?去還是不去,哪需猶豫的,除非大家純為happy,旅程完結,各自抹抹嘴,不計較地說bye,那去吧,玩得開心點喔,記得,只有自己能為自己負責任。

 

  「佢似係好人咩?你知去旅行咩意思架,後果自負呀姐姐,哈。」

 

  旅伴誰都可以,但一定毋須是前度,人生及肉身安全要緊,嘿!

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

【全城爆炸「性」節目】《男男女女.嘉點情趣》由美女DJ及教授以客觀開放角度談性談愛、談情談趣。 ► 立即觀看

我要回應

你可能感興趣

放大顯示
素心Cook
  • 生活
  • DIVA
  • 健康好人生