想食一碟「走牛」嘅乾炒牛河，有幾難？

　　雖然說身邊愈來愈多走肉朋友，甚至素食已漸漸成為一種生活態度，但無論係出街食飯，亦或與屋企人同枱食飯，仍會遇到唔少好笑又無奈的情況。

　　《走肉廚房》專欄作家Cathy Lee（李美怡）食素多年，今次就與etnet嘅讀者們分享她在茶餐廳的真實遭遇，你會發現素食者在香港會遇到形形色色的問題。直到近半年Cathy因求學搬去台灣生活，發現原來兩地對素食朋友的待遇，竟然好唔同。

　　Cathy與你分享她的素食經驗。

問：出街食飯，有無遇到一些好笑又無奈的情況？

C：我一開始轉食素，當時不是特別普及。入去茶餐廳，我話想食「炒河」，唔要牛肉。落單的夥計呆咗，我都呆咗。「咦，原來好難明㗎！」可能他不知道怎樣寫給廚師，後來我講「豉油皇炒河」，加D金菇，如果你們有。他們就識得幫你去炒一碟你想要的。

我覺得香港的餐廳不是好識得處理素食者要求。又或者覺得：「你好可憐啊」、「畀咁多錢，但你都唔要肉啊！」不過近年社會上多了推廣，我見到開始多人識得「走肉」。

問：在台灣，好唔同？

C：台灣無論街邊小店、食肆、大排檔、甚至高級西餐廳，都會有素食選擇。就算有些主打肉類的西餐廳，餐牌上無素食，他們會講：「不如整個忌廉雜菌意粉畀你啦」，會識得主動給你一個解決方法。

素食在台灣好融入生活，他們習慣了社會裏面一定有食素的人，變相我就很輕鬆，也會覺得「大家是有注意我們存在的！」

E：屋企人無肉不歡，點樣同枱食飯？

C：屋企人基本都食肉，得我一個食素。他們有時都會說：你想食羅漢齋你去煮啦，我們都食的。最重要的是，對屋企人或朋友要坦白。跟他們講：我係食素，同埋食邊一類素，要給出一個Message。

另外，同屋企人食飯，他們也會遷就我。比如他們食豬扒，但同時間至少有2-3碟是屬於我的，我也會煮多些，大家一起分享。我想真是坦白交流，跟屋企人同枱食飯，就不是各自修行，就會開心啦！