做打工仔，唔只要識打工，仲要識睇同事、老細的眉頭眼額。老細秒速變臉，我地預設打工仔「做錯事」的機率較高（多數係，除非唔係），唔知各位又做過以下邊幾件事呢？

Level 1︰你遲到

　　視乎閣下咩情況遲到︰返工遲，次數唔多就隻眼開隻眼閉；開會遲，就當你為趕埋份Report；見客遲，有合理原因或者會放過你。咁幾時黑面？例遲、無原因地遲囉。

Level 2︰你行係佢前面

　　日常辦公室走動就無所謂，但如果遇上見客、開大會等場合，而你又唔係擔大旗的話，就切勿亂逞強走在最前線。

Level 3︰你篤中佢死穴

　　每個人都有弱點，所謂「伴君如胖虎」，不管你同老細有幾Friend，有些說話即使大家心知肚明，都不宜說出口。都係嗰句：「後果自負」。

Level 4︰你入Lift見到佢狂撳閂門掣

　　見唔到就算，如果見到都扮見唔到，仲要畀佢知道你走頭就最大罪。

Level 5︰你黑佢面

　　其實可能係你發緊呆發緊夢，諗緊Lunch食咩，但老細以為你黑佢面嘅情況下，佢塊面就立即變黑，得咗！

Level 6︰你見到佢無Say hi

　　「打招呼」是基本尊重，如果「掂行掂過」，即使唔係老細應該都會黑面吧。

Level 7︰你藍剔咗但唔覆佢

　　此等級泛指所有Email、電話，其中以WhatsApp最易被發現「已讀不回」，於是老細的一切懷疑就從黑面開始。

Level 8︰你Send錯八卦Email畀佢

　　有時候同事間或者會係Email開心Share各種趣事同八卦，一個唔小心Send錯畀老細，應該隔住個Mon都見到佢個黑面。

Level 9︰你當眾話佢

　　人要面樹要皮，有任何意見應事後作出相應提點，當眾話佢唔黑面就假啦。

Level 10︰佢M到 / Uncle到

　　不解釋。