東家唔打打西家已是職場上的名言佳句，但找到「西家」又是否如此容易？如果本身有正職，請假見工已是一大難題。這道職場的難題就被網民搬到討論區上討論，集思廣益應如何在有正職時到另一間公司面試。

有正職請假難 騎牛搵馬談何容易

　　「返緊工應該點樣去見工」成為網民討論的話題，有網民指出如果本身有正職，但又想請假見工是相當麻煩的事情。首先一般公司請假也需要提早1至2星期提出，但見工面試只會在幾天前通知。如果「詐病」請假或者早退，就會很容易被同事發現自己見工。而且放工時間大多為6點，到達面試場地已差不多7點，所以下班後才去見工也是不可能的任務。

　　有網民附和稱：「騎牛搵馬講就容易，但依家每份工都最少有兩輪面試，見政府工嘅話仲誇。我邊有咁易請到假，年假一年得個十幾日，唔通真係用嚟浪費係一份未必請嘅工乜？」亦有網民建議見工的網民應「破釜沈舟」，先辭工再搵工，「如果你係FG(畢業生)頭一年你係咁轉工都話知你啦，趁你仲有機會個陣就好快啲走啦，唔好浪費自己時間。」

忌漁翁撒網避免大肆張揚

　　有「心水清」的網民指出如非畢業生，切勿再大量寄出求職信，應該見到合適的工作再重點出擊，需要見工時只請一兩次病假便不成問題，「有工做緊就唔可以再漁翁撒網咁搵工啦，你真係見到份工好fit你先好申請，到時請返一兩日都唔會好覺眼。」

　　打工仔在見工時也應避免過於張揚，例如在Facebook上更新狀態，或者讚好某些招聘廣告的行為可免則免。同時也可以要求招聘的公司暫不要進行Reference check以免打草驚蛇。總而言知，懂得如何「執生」才是勝利之道。