提起有錢兼靚仔嘅荀盤「Package」，大家最熟悉嘅必然係地產巨富嘅二代人物，但上年忽然傳出台北文華東方酒店被收購，涉385億元新台幣，買家竟然係一位低調嘅香港年輕富豪－盧啟賢（Calvin Lo），行事作風都與世俗對於一般豪商巨賈嘅印象大相徑庭，亦成為好多保險從業員嘅目標。到底呢位坐擁巨富嘅男人如何掌握「財富煉金術」呢？

領導跨國資產管理企業 主攻產業規劃及業務繼承

要做到令人眼前一亮嘅富豪並不容易，盧啟賢善於為自己及其高端客戶管理財富，於2014年起以行政總裁身份帶領R.E. Lee International保險公司，集團於新加坡、杜拜、上海、美國西雅圖等地都有分部，專門為世界各地嘅頂級客戶以人壽保險為主要工具作遺產規劃。同時盧啟賢於2017年創立R.E. Lee Capital，為不同客戶及公司提供財產管理服務，多年來為超過100位巨富及巨企作資產規劃，於業內獲得莫大認同與支持。

而呢位被英國媒體《倫敦經濟報》稱為「聞所未聞嘅巨富」，真係估你唔到！性格貼地，不但善於交際，性格真誠並平易近人，有傳佢嘅律師吳炳堅曾讚揚盧啟賢與其他生意人相比，積極處理人際關係嘅個性為佢帶來不少生意契機、成為佢最大做生意嘅資產，亦係佢為家族建立財富王國嘅條件。

有錢兼靚仔，投資手法乾脆俐落

不過根據2018年福布斯調查，佢名下淨資產高達美金17億。盧啟賢亦傳聞於2020年以逾億收購了Williams F1車隊，為車隊歷史揭開新的篇章，有指佢乾脆俐落嘅手法及其野心、遠見，令商界同行嘖嘖稱奇。此外，盧啟賢於2020年更因應疫情捐贈了500萬美金、50萬個口罩及超過3萬份消毒用品畀港台嘅基層人士，另外亦捐贈了800萬美金畀武漢。