• |
  • 極速報價
  • |
  • 會員
  • 產品服務 / 串流版
  • 設定

29/06/2022

榴槤節返嚟喇!一次食齊貓山王、高山XO、小甜甜5個品種!必吃推介:榴槤黃金麥皮蝦+特色榴槤甜品!同場加映:大抽獎送酒店免費住宿、餐飲禮券,Staycation啱使!

  • 加入最愛專欄
  • 收藏文章
Text: Christy Yiu

  踏入夏天,街上總瀰漫著一股熟悉的氣味,深呼吸嗅一嗅,果然是榴槤的香味!7月是馬來西亞榴槤當造的時節,而「第四屆唯港薈馬來西亞榴槤節2022」亦即將再度開鑼!想知今年榴槤節有咩亮點?即睇!

 

  由7月30日起,唯港薈(Hotel ICON)將於指定星期五至日,舉辦「榴槤節2022」!酒店一樓的Silverbox宴會廳將會化身為榴槤迷的天堂,舉行共11場的榴槤自助早午餐!榴槤節由酒店行政總廚兼有「榴槤王子」之稱的何偉誠師傅(Danny)嚴選家鄉馬來西亞時令榴槤品種,並以榴槤入饌,勢要俘虜一眾榴槤迷的心!

 

直送香港!當造馬來西亞榴槤!

 

  在除了狂食榴槤菜式前,當然要先品嚐最pure最true的榴槤果肉!自助早午餐先為每位客人奉上「馬來西亞榴槤果肉拼盤」,拼盤內共有5款不同品種,包括金黃飽滿、香濃軟糯的「D197貓山王」;肉質柔軟、甜而不膩的「高山XO」;果肉厚實、口感綿密的「D163葫蘆」;甜中帶甘、產量較少的「D88小甜甜」;以及來自柔佛洲並首次引入香港的神秘品種!每款榴槤都由Danny嚴選再直送香港,絕對有信心保證!

 

馬來西亞榴槤果肉拼盤

 

  吃完果盤,不妨先呷一口燉湯清潤喉嚨。「貓山王榴槤鮑魚紅棗白玉銀耳燉湯」。燉湯以老雞熬製3小時,加入榴槤殼、榴槤核、貓山王榴槤果肉、智利八頭鮑魚、雪耳、冬瓜、紅棗等再熬製3小時,過程絕不馬虎!除了味道濃郁,更可以健脾補氣、滋陰降火,歎自助餐同時又可養生,正!

 

貓山王榴槤鮑魚紅棗白玉銀耳燉湯

 

  除了燉湯,同樣以1人1份形式呈上的還有「貓山果王沙律黃金玉帶」。沙律採用原粒澳洲帶子,帶子炸得鬆脆金黃,與混入榴槤果肉的沙律同吃,口感豐富得來更是鮮味無比,令人忍不住一口接一口,夠晒開胃!

 

貓山果王沙律黃金玉帶

 

  難得來唯港薈吃榴槤自助早午餐,重頭戲當然是自助菜式!「D24榴槤酥炸紫菜糯米雞卷」軟糯鮮香,嫩滑的雞胸肉配以糯米、榴槤、紅菜頭等食材,再加上脆卜卜的紫菜,口感層次十分豐富;愛辣的朋友必試「避風塘榴槤豆腐」豆腐與榴槤果肉融為一體,甜得來帶少許辣,又一衝擊味蕾之作。

 

D24榴槤酥炸紫菜糯米雞卷

 

  而「榴槤黃金麥皮蝦」採用沙巴軟殼蝦,加入麥皮、辣椒、牛奶粉及風乾榴槤磨成的榴槤粉同炒,香脆惹味得來每口也是榴槤香;編者特別推介「貓山王榴槤腐皮海鮮石榴球」,石榴球以全人手製作,清甜多汁,令人齒頰留香。

 

榴槤黃金麥皮蝦

 

  大吃一餐完,當然要來一口甜!自助餐的所有甜點均以貓山王及D24製作而成,包括榴槤糯米飯、榴槤芝士餅、榴槤班蘭卷、榴槤布甸、榴槤泡芙、榴槤芝士撻及班蘭榴槤糯米糍等等,當中必吃之選有的馬來西亞榴槤雪糕,以足料榴槤果蓉製成,作為榴槤腔,只能說句:大滿足!

 

榴槤布甸、榴槤泡芙

榴槤班蘭卷

榴槤芝士撻

 

  除了一系列特色榴槤菜式,自助餐還設有多個即煮烹調站,有來自馬來西亞的主廚李淑光師傅 (Kelvin Lee)及泰國主廚Jack Pinkkang師傅將為您即席炮製星馬泰地道美食!當中包括泰式海鮮冬蔭功、福建肉骨茶、牛肉湯河、檳城喇沙等等,包你在香港都歎到正宗「老巴剎」風味;同場還有冰鎮海鮮如小龍蝦、青口、蜆、海蝦、日式刺身壽司專區等自助餐必備冷盤,捧腹而回絕無難度!

 

同場加映大抽獎活動!送唯港薈免費住宿、餐飲禮券!

 

  「榴槤王子」Danny 更會於每一場的早午餐擔任星級司儀,即場舉辦大抽獎活動!屆時將會送出多份豐富禮品,包括唯港薈免費住宿、餐飲禮券、原個新鮮榴槤等。此外,每位客人將獲贈馬來西亞精美產品的福袋乙個。咁多位榴槤控,仲唔快啲book位?

 

第四屆唯港薈馬來西亞榴槤節2022

 

日期:

 

2022年7月30日 (星期六)

2022年7月31日 (星期日)

2022年8月5日 (星期五)

2022年8月12日 (星期五)

2022年8月13日 (星期六)

2022年8月14日 (星期日)

2022年8月20日 (星期六)

2022年8月26日 (星期五)

2022年9月2日 (星期五)

2022年9月3日 (星期六)

2022年9月4日 (星期日)

 

時間:上午11時45分至下午3時

地點:Silverbox宴會廳 (酒店一樓)

價錢:成人$858/小童 (3至11歲)$538(另設加一服務費)

查詢或預訂: (852)3400 1388 或 book.restaurant@hotel-icon.com   

網上預訂:按此

了解更多:按此

 

【讀者專享獨家優惠】火速訂購etnet 28周年呈獻《線條下的香港.沈平鋼筆畫作》! ► 立即行動

我要回應

你可能感興趣

放大顯示
名廚煮場

職場新常態

精選文章

  • 生活
  • DIVA
  • 健康好人生