• |
  • 極速報價
  • |
  • 會員
  • 產品服務 / 串流版
  • 設定

13/04/2021

Donki以外新掃食點!「偽出國」主題,至筍價掃星馬泰韓日風味美食!$1激筍優惠有乜必搶?

  • 加入最愛專欄
  • 收藏文章
  • Yan Law

    Yan Law

    「喜歡聽人說故事,更喜歡用文字寫故事。 返工最大樂趣──在平凡的職場裏找出那些不平凡的故事。」

    Senior Editor

Text: Yan Law

  疫情下「無得飛」,不少人都會趁假日無聊去超市逛逛兼「儲糧」,Donki絕對是不二之選,藥妝、零食、玩具樣樣都有,感覺就像去了日本旅行,可以暫時止止癮!不過Donki長年人山人海,行起來都幾迫下,更怕排隊結帳要很久……有沒有其他好選擇?編者決定去行Soda Mall首達百貨,其紅磡旗艦店佔地逾2萬呎,都算大!最近店方還特意打造「偽出國」亞洲美食嘉年華,除了出售逾400款新鮮空運直送的亞洲風味食材和蔬果外,更以$1激筍正貨優惠做招徠,好吸引!一齊睇下有咩買啦!

 

 

 Soda Mall紅磡旗艦店佔地逾2萬呎

店內設有亞洲美食專區,以驚喜價發售逾400款星馬泰韓的食材、零食、雪糕凍品等。

 

  貨品太多花多眼亂?不想錯過筍貨?去之前,先睇編輯的心水推介!

 

1. 銷售No. 1!韓印紅醬油蟹/醬油蝦

 

  韓國美食除了炸雞、人蔘雞湯、辣炒年糕外,當然少不了醬油蟹和醬油蝦!醬油蟹作為韓國五大名菜之一,向來都有一班捧場客,在Soda Mall買到的醬油蟹雖然不及在韓國吃到的新鮮,但勝在方便,而且味道不錯,蟹夠大隻又足秤,蟹膏亦算鮮甜,用來撈飯一流!醬油蝦的美味程度也不輸醬油蟹!不但口感彈牙,重點是蝦頭多膏,沾上新鮮蛋黃作醬汁同吃,味道更加豐富!好吃!

 

左:韓印紅醬油蟹[2隻] $285

右:韓印紅醬油蝦 $75

 

2. DIY泰菜無難度!Blue Elephant泰國地道醬料包

 

  去泰國旅行,最愛就是在街邊買串燒吃!啖啖肉,配搭特製的燒烤汁,好惹味!想輕輕鬆鬆在家都可以吃到泰式風味?泰國烹飪名牌Blue Elephant出品的串燒套裝或者可以幫到你!內附10支串燒分量用的醃料、香草、竹籤和沙嗲醬,盒後面還印有簡單易明的食譜,炮製泰式串燒完全無難度!還有其他泰式調味醬料、即食冬蔭功湯包、椰奶、乾香茅等,款式多到都唔知點揀好!

 

(由左至右)

Blue Elephant BBQ套裝 $42.9

Blue Elephant乾香茅 $22.9

Blue Elephant即食冬蔭功湯  $32

 

3. 榴槤控必買!Duria榴槤果肉(D24/D197貓山王)

 

  馬來西亞Duria的榴槤出名好食,其中D24肉質厚實,味道香甜帶奶香,而且有點酒香,入口後更有徐徐甘味滲出,令人回味無窮!D197貓山王就更好滋味,不但色澤金黃,肉多核細,咬落更有凝脂似的質感,嫩滑細緻還有獨特的芳香,正!今天無得去馬來西亞吃樹上熟,就在這裏買盒裝的止一下榴槤癮吧!現在購買Duria榴槤,更送雪米糍一盒!勁抵!

 

Duria榴槤果肉—D24/D197貓山王  $166-$225

 

4. 女生大愛!日本直送「日東卷蛋」

 

  近年大受女生歡迎的「日東卷蛋」,最大賣點是細細件易入口,而且口味勁多,有抹茶味、焦糖杏仁味、四重芝士味、草莓味等,難怪一上架就售罄!編者就最喜歡四重芝士味,特選忌廉芝士、高達芝士、車打芝士及愛蒙塔爾芝士,再包裹白黃雙色奶油,配上軟綿綿的蛋糕,邪惡得來真心好味!

 

日東卷蛋  $90

 

5. 開Party必備!韓國水果燒酒

 

  相較苦澀嗆辣的酒類,韓國水果燒酒味道香甜易入口,這裏買到的,就有齊葡萄、石榴、草莓、蘋果、檸檬等不同口味,絕對是開Party必備的飲品!難得Soda Mall有買一送一優惠,掃定幾枝返屋企,遲些招呼朋友來chill下!

 

韓國水果燒酒  $38(另有買一送一優惠)

 

下頁睇 必搶$1優惠

 

我要回應

你可能感興趣

放大顯示
  • 生活
  • DIVA
  • 健康好人生