29/11/2018
明年紅館開騷 古巨基嚴防再跌落窿
【晴報專訊】古巨基今年五月才開紅館個唱,最近又宣布明年四月再開紅館騷。基仔上次開騷時,不慎跌落舞台中間的大窿,他昨日笑言會提高安全意識,改善舞台設計,不容再發生意外。
古巨基多年來保持皮膚白滑,老婆Lorraine居功不少。
古巨基昨日為醫學美容新店開幕任剪綵嘉賓,提到明年四月在紅館開演唱會Part 2,基仔坦言原本想給大家驚喜,沒想到在網上已洩露風聲,稍後便會正式公布詳情。問到會開多少場?基仔說︰「依家仲未定幾多場,大家到時記得去撲飛。不過真係好開心,因為今年五月先開完騷,反應好好,上次已經相隔七年,估唔到依家一年內可以做兩次。」
提到基仔上次在演唱會中,不小心跌落台中的大窿,消失十多分鐘,令全場大為緊張。為免再發生同類意外,基仔表示在設置機關方面會更小心︰「點都要有(機關),不過嚟緊會小心啲,可能喺台底加求生氣墊,台邊亦會加番寬啲,意外發生後,我哋嘅安全意識都提高咗。」
保童顏靠老婆
另外,現年46歲的基仔擁有凍齡外表,他笑言全靠太太Lorraine︰「最緊要係娶到個識保養皮膚嘅老婆,我都係靠佢先知點護膚。通常老婆會不停催我瞓低,然後就整到我成面都係嘢,不過我好信任佢,佢畀乜我就搽乜,咁當然都要我天生麗質先得!」
林盛斌昨日為活動擔任司儀。
轉載自: 晴報
全新節目《說說心理話》青少年不可以戀愛!?真實個案講述驚心動魄經歷► 即睇
我要回應