【晴報專訊】榮升蕭太的黃翠如，昨日到旺角出席一田超市開幕，提到老公蕭正楠（Edwin）自爆家族繁殖能力強，翠如聞言搞笑指老公專講「衰嘢」，回家要好好懲罰老公。

　　黃翠如昨日在活動上即席為老公蕭正楠炮製愛心布甸，大會更送上Edwin的半裸人形紙板，又安排小男孩獻花。提到人妻生活，翠如表示近日每天早上五時起床開工，雖然不時逛超市，但沒有時間為老公下廚：「平時Edwin會煮嘢畀我食，但最近太早開工，唔好意思要佢咁早起身煮早餐。（為Edwin煮甚麼？）好似無，叮嘢算唔算？哈哈！」她笑指好友曹永廉住在附近，對方表示要教他們廚藝：「最近阿廉好認真叫我學煲湯。」

翠如面對蕭正楠爆肌紙板表現尷尬，惟有專注拖實小男孩。

無時間造人

　　翠如透露，農曆年仍要開工拍劇，緊接要拍攝旅遊特輯及另一部新劇，豈非沒時間造人？她說：「我哋兩個都唔得閒呀。」提到Edwin自爆家族的繁殖能力強大，翠如即說：「佢專講呢啲！一陣問呢度借啲清酒杯畀佢跪！真係要好好管教佢，言行舉止要優雅啲，我哋家教唔夠嚴，返屋企會好好處理佢。」她更笑說要買榴槤或菠蘿回家給老公跪。提到叫Edwin在家不穿內褲，以增加造人機會？她尷尬笑說：「要有真人演譯畀我睇先得，我家教好嚴，唔講呢個話題。」