• |
  • 極速報價
  • |
  • 會員
  • 產品服務 / 串流版
  • 設定

11/02/2019

暴龍哥退出樂壇 鄭中基《龍咁威3》明年賀歲

  • 加入最愛專欄
  • 收藏文章

  【晴報專訊】一共五場的《鄭中基One More Time世界巡迴演唱會香港站》,前晚在紅館圓滿落幕。鄭中基(Ronald)三代同堂jam歌,又教囝囝向現場觀眾逗利市,他直言不捨得舞台,並宣布「暴龍哥」退出樂壇。

 

《龍咁威》班底(右起)谷德昭、張達明及李璨琛擔任鄭中基尾場嘉賓。

 

  前晚尾場吸引眾多嘉賓如梁詠琪、胡楓等捧場,Ronald跟爸爸鄭東漢和女兒鄭梓喬(Emma)三代同堂合唱《八二十八八十八》,三歲的囝囝梓仁(Evan)之後手執紅色豬仔獻給爸爸,又與家姐擁抱,在台上四圍跑非常活躍,要由工作人員把他抱走,場面搞笑。鄭東漢和Ronald亦趁機感謝湊大他們兩父子的103歲傭人「謙姐」,她當晚也在座。

 

一粒糖當歌酬

 

  Ronald亦邀請了《龍咁威》拍檔張達明、李璨琛及導演谷德昭做嘉賓,谷德昭指Ronald囡囡歌藝不俗,笑稱Ronald可以提早退休。而Ronald則為觀眾帶來好消息,宣布將會開拍《龍咁威3》,「但有一個人會退出樂壇,嗰個就係『暴龍哥』,下次個唱唔會再有暴龍哥。」

 

Ronald一家四口現身慶功宴,太太余思敏一直在背後默默支持。

 

  慶功宴上,Ronald親證今年8月原班人馬開拍《龍咁威3》,預計2020年賀歲檔上映,目前已有劇本,接下來要為角色減磅︰「谷德昭想我瘦到成支柴咁,真係難搞!依家隻腳粗咗,佢話我對腳要嚟搵食。」

 

細仔Evan在台上四圍跑,要由工作人員(右)把他抱走。

 

  有歌迷嫌Ronald太少唱自己歌,他解釋今次要配合夢想、希望和愛的主題,有很多歌實在太慘,只好放棄。當記者大讚Emma完全不怯場,Ronald也認同女兒比他更淡定。至於可會介意她入行?Ronald希望女兒專心讀書,不會刻意訓練她,亦不想給她帶來壓力,只要她喜歡的就當玩好了。問到囡囡的歌酬?他即笑謂︰「好慳㗎!每日一粒糖就好開心!預計下一站喺美加巡迴演出,趁暑假期間佢都可以跟埋去。」

 

《美男廚房》惹誤會

 

  此外,第一代《美女廚房》主持Ronald、梁漢文及方力申,日前在台上講到有意開拍《美男廚房》,Ronald爆了一句:「唔一定要TVB,依家有ViuTV㗎嘛!」ViuTV立即在FB留言隨時都可以合作。Ronald前晚聞言後表示︰「咁佢搞錯咗啦,我哋成晚都係講Post喺我哋自己個『TViuB』度,依家Facebook有個Page,雖然乜都冇,但已經有過百人Like,『TViuB』係梁漢文諗出嚟,《美男廚房》可以傾下。(令ViuTV好失望?)佢Get錯咗啫!我哋都可以合作。」

 

轉載自: 晴報

全新etnet健康網購,送你【健骨維他命D3(1000IU)】乙樽(價值$108)► 立即行動!

我要回應

放大顯示
風水蔣知識

精選文章

  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ