20/02/2019
林淑敏抽中金豬勁感恩
【晴報專訊】在處境劇《愛.回家之開心速遞》演「大小姐」爆紅的林淑敏,繼去年在台慶頒獎禮中奪得最佳女配角後,昨日在元宵活動上再抽中足金金豬,旺氣十足。適逢昨日元宵佳節,林淑敏笑言收工後即陪老公食飯慶祝,平淡而溫馨。
鴻運當頭的林淑敏,笑言會好好珍惜幸運金豬。
「大小姐」林淑敏昨日與「大王」安德尊及宋芝齡等,到將軍澳出席節目《流行都市》(前名《都市閒情》)的元宵活動,一眾藝員即場參加幸運大抽獎,結果林淑敏抽中「足金金豬」。事後她開心說︰「呢段時間真係好感恩,去年頒獎禮又攞獎,《流行都市》教識咗我好多嘢,我做呢個節目已七、八年,章志文教我改善懶音同節奏感,大王都教我好多,我已經當佢哋係師父,希望可以一路做落去,聽講呢個節目係無綫最長壽節目之一。」會否請食飯慰勞對方?她笑說︰「有大王喺度,點輪到我請,我咁鍾意大王,其中一個原因係佢會請食飯,又會派利市。」
提到昨日元宵節,林淑敏甜笑說會陪伴老公,因對方平時很忙。稍後會否放假充電?她正計劃五月返加拿大探親︰「已經四、五年無返去,媽咪年紀大,希望盡量多啲時間陪家人。」
安德尊享受年終無休
安德尊表示與《流行都市》台前幕後食飯團圓,十分高興。
「大王」安德尊表示農曆年間一直開工,沒有放假,是否賺了不少?他笑說︰「唔係錢嘅問題,新年開心嘛,我哋做娛樂圈嘅,最緊要帶歡樂畀觀眾同市民。(會否補放新年假?)年終無休,平時與大家傾偈互動,已經好似放假咁開心。」
轉載自: 晴報
全新節目《說說心理話》青少年不可以戀愛!?真實個案講述驚心動魄經歷► 即睇