【晴報專訊】鄧麗欣（Stephy）、張晉及UFC拳王Anderson Silva等，前晚出席新片《九龍不敗》首映。在戲中無打鬥戲的Stephy，坦言恨拍打戲，又即席向UFC拳王挑機，希望有天能與他對打。

Stephy表示下次拍打戲前會接受訓練。

　　鄧麗欣前晚提到在《九龍不敗》的演出，她笑言在戲中最大的動作戲，只是穿上婚紗在輕鐵路軌上奔跑。她說︰「雖然條路唔長，但當時係上班時間，要就啲車所以來回跑好多次。」問想不想拍打戲？她笑說︰「我好恨打，如果張晉或者UFC拳王Silva，我會揀Silva，因為佢平時同男人打，應該唔識同女人打。」身旁的張晉聞言笑說︰「小心有去無回。」

　　Stephy又說︰「我依家唔使打先講得咁輕佻，我曾經拍過打戲，知道唔容易，如果再拍就需要訓練，希望有日同張晉拍打戲。」

張晉險跌斷腰

張晉跟UFC拳王Anderson Silva不打不相識，相當老友。

　　另外，張晉在戲中跟Silva有多場打戲，他坦言受傷在所難免︰「好彩無斷手斷腳，有次我失手撞到頭，跟住背脊撻落樓梯，條腰差啲斷，成嚿骨凸出嚟，休息咗一星期就復工再打過。」兩人同樣有武功底子，問誰打得更傷？張晉笑言︰「我打Silva，佢會痛但無反應，我就係咁打，打到佢條頸紅晒。我同佢講，如果唔做痛嘅反應係唔收貨，因為要畀觀眾睇到。可能佢打慣職業賽，習慣唔會畀對手睇到弱點。」