【晴報專訊】李亞男和王祖藍的女兒王天韻（Gabrielle）現已六個月大，亞男最近帶女兒做健康檢查，得悉將來會是一名高妹，亞男爆祖藍已開始擔心女兒身高。她又稱為了氹女兒笑，平日在家中要扮牛扮狗。

亞男產後半年已極速收身。

　　李亞男昨日擔任親子活動嘉賓，說到女兒Gabrielle已半歲，亞男亦回復懷孕前的纖瘦身形，她透露全靠營養師幫忙︰「個餐單有飯食又唔餓，依家已經減咗20磅，但未回復生B之前咁樣。」她指女兒現在開始轉食粥仔︰「我每日都用唔同嘅材料加入粥仔，見佢追住食好開心。睇住佢每日成長，又鍾意睇書，我日日喺屋企扮貓、扮狗、扮牛咁叫去引佢，表情要好浮誇先吸引到佢。」

祖藍擔心女兒太高

女兒Gabrielle樣貌和身高都遺傳自媽咪。

　　問到老公王祖藍又會扮甚麼氹囡囡？她說︰「佢好渣，平時扮少少嘢都氹到觀眾笑，但對住個女要施展渾身解數，阿女先笑一下。」亞男還自爆囡囡比同齡小朋友高，完全遺傳了媽咪的優點，她得戚表示︰「我啲基因贏咗！」不過她就笑指，祖藍開始擔心女兒太早發育，很快就要仰頭才可以跟她說話，「依家祖藍好珍惜可以低頭同個女傾偈嘅時光，哈哈。」