【晴報專訊】還有兩個多星期就到九月開學日，不過圈中不少星二代已經相繼開學，當中包括陳敏之兒子雷子樂、黃依汶（Emme）仔仔陳真及港姐張名雅大兒子蔡浚鏗（Mario），三位星媽近日不約而同在社交網分享兒子的上學感言，引起不少港媽共鳴，都紛紛表示她們的感觸，只有同是媽媽的才會懂。

　　「長腿索媽」陳敏之的囝囝雷子樂現已兩歲多，敏之亦不時在社交網分享他的生活點滴，日前她上載兒子的學生相及擁著兒子的合照，原來子樂已經開始上學前班了，敏之寫道︰「昨日（12日）是他的第一個上學日，媽咪很興奮和開心，我的小男孩，享受你的學校生活。」

Emme囝囝陳真昨日首次乘搭校車返學，她笑言︰「頓覺得輕鬆寫意。」

　　本報昨日致電敏之，問她仔仔第一天上學的情況，她表示︰「佢已經返咗幾日，每次只係返一個鐘，頭三日可以有家長陪，所以我都有陪住佢，今日（昨日）就要佢一個人上堂，我同佢講我會出去一陣，之後返嚟接佢，佢就擰頭話『No』，不過老師走埋嚟拎玩具畀佢玩，佢掛住玩就無理我。（送佢返學有無唔捨得同埋喊？）佢唔喊，我就唔會喊，咁佢都好乖無喊。」

目送背影漸行漸遠

敏之囝囝雷子樂穿起校服的樣子，獲不少網民大讚靚仔。(IG圖片)

　　而Emme和陳國坤的仔仔陳真亦於昨天開學，升上K1的他，首次獨個兒乘坐校車上學，Emme在社交網上載一張校車已遠走的照片，並有感而發︰「從前牽著你的小手，到今天你第一次坐著校巴快樂的上學去，時光飛逝，陳真你大個仔啦～Have Fun in school！人生充滿一去不返的背影與目送，所謂母子一場，只不過意味著，和他的緣分，就是今生今世不斷地在目送他的背影漸行漸遠。」之後她更hashtag「媽媽的感慨」及「媽媽們加油」等。

張名雅全家總動員送大仔Mario上學，絕對是隆重其事。(IG圖片)

　　另一位星媽張名雅日前與老公及幼子送大仔Mario返學，並在學校門口影合照，她在社交網留言︰「開學啦。大個仔啦！兩歲幾細細個著校服返學真係好得意。媽咪希望你以後開心過每一天。話時話第一日同佢返學都有啲感觸，眼泛淚光。」有網民話「眨下眼（佢哋）就咁大個」，亦有港媽指「睇完眼濕濕，只有為人媽媽才懂的」，十分明白三位星媽的心情。