• |
  • 極速報價
  • |
  • 會員
  • 產品服務 / 串流版
  • 設定

23/09/2019

齊來Baby Shark Dance 城城爆大女愛洗腦兒歌

  • 加入最愛專欄
  • 收藏文章

  【晴報專訊】郭富城自從榮升爸爸後,每次出席活動都離不開談女兒經。昨日他在尖沙咀海港城,帶領半百名小朋友大跳兒歌《Baby Shark》城城版舞蹈,他更自爆跟大女Chantelle在家中合跳洗腦神曲,非常好玩。

 

城城透露11月主演一部高科技偵探電影,故目前盡量抽時間陪家人。

 

  城城提起家中兩名寶貝女Chantelle和Charlotte,一臉冧樣,並透露大女Chantelle看到爸爸的《Baby Shark》MV時,反應十分搞笑,城城說︰「佢睇片睇到呆咗,跟住走埋嚟攬住錫爹哋,佢好開心。」城城更大爆Chantelle每次扭計,都要求看洗腦神曲,「佢自己打開iPad撳入去睇,我會陪佢睇,呢首的確係神曲,真係好可愛,我仲同佢一齊跳,亦都有拍片。(公開父女跳舞片?)可以考慮下,我都樂意分享,但要等佢大個啲先。(囡囡有跳舞潛質?)絕對有,佢有上音樂堂。」

 

囡囡低調出席活動

 

城城帶領半百位小朋友跳洗腦神曲《Baby Shark》,更大擺經典甫士。

 

  近期城城的小朋友粉絲急增,他開心表示︰「喺唔同階段,我啲粉絲好多都有自己嘅小朋友,我好樂意去做呢件事,覺得好榮幸。」有女萬事足的他,十分享受湊女生活,並自爆早前同老婆一齊送女兒第一天上學,「好開心送佢返學,陪佢入校園好感動,佢要開始學習群體生活,接觸多啲外面世界。講個秘密你哋聽,佢今日(昨日)都有嚟,特登睇爸爸工作,睇我喺現場跳畀大家睇。」對於被形容為「女兒控」,城城欣然接受,還笑說︰「係應該嘅!」

 

  此外,城城日前與太太方媛夜遊維園,他揚言不用工作時,都會盡量抽空陪伴家人,也樂意在街上與遊客及市民打招呼和合照。城城表示︰「同大家喺街碰面都係緣份,至於行公園係一件好浪漫嘅事,我太太懷孕時,我哋都經常行公園,因為環境同空氣好好。」

 

轉載自: 晴報

etnet財經‧生活App   財智‧健康‧品味生活     【立即下載】  iOS版 / Android版
我要回應

你可能感興趣

  • 生活副刊
  • DIVA
  • 健康好人生