【晴報專訊】正在韓國舉行的釜山國際電影節，今年新增「2019 Asia Contents Awards」頒獎禮，表揚亞洲地區的優秀電視劇作品。Angelababy（楊穎）、黃宗澤（Bosco）獲邀做頒獎嘉賓，西裝骨骨的Bosco力抗韓國小鮮肉，並以韓文在台上發言，贏得全場掌聲。

黃宗澤巧遇女神Angelababy，兩人鬼馬合照。

　　網劇《飛虎之潛行極戰》導演李惠民獲大會頒發「終身成就獎」，黃宗澤直言替導演感到非常開心，Bosco說︰「《飛虎之潛行極戰》反應好好，而新劇《飛虎之雷霆極戰》依家喺內地播緊，反應都好好，希望下次再出席呢個頒獎禮係攞獎，唔只我自己，希望係成個團隊都有機會得獎。」為了尊重大會，Bosco決定以韓文發言，前一晚狂練韓文，雖然心情緊張，但表現有板有眼，順利完成，令他鬆一口氣。

繼續拍新劇《飛虎III》

樂易玲賀李惠民導演（中）得獎，她說曾志偉和苗僑偉都有短訊祝賀。

　　監製樂易玲預告明年初開拍《飛虎III》，笑指導演和Bosco都不准加價，她說︰「要留多啲製作費，上次快艇爆炸，今次又唔知爆咩，不過一定會比過往兩集更加強大、更加精采！」

Baby一身高貴造型出席釜山影展，十分吸睛。

　　此外，Bosco此行最大驚喜是巧遇Angelababy，他開心表示︰「我同佢好耐之前合作過，好耐無見，一見面當然要合照留念啦，話晒喺釜山遇到偶像喎！」至於Angelababy負責頒發「最佳男演員」給《熱血祭司》男星金南佶，Baby以一身Dior黑色長裙配襯珠寶，優雅現身紅地氈，引來粉絲一陣尖叫聲。Baby表示︰「好開心獲主辦方邀請做頒獎嘉賓，等我有機會學習和交流。」