【晴報專訊】近日有傳無綫邀得惠英紅（紅姐）以天價回歸再拍劇，並會孖去年《鐵探》好拍檔姜皓文（黑仔）、袁偉豪合體，而據知三人是合作時裝偵探劇《解離日記》。昨日《晴報》聯絡到紅姐，她指暫未收到劇本，但暗示︰「如果有好劇本就會拍！」未知會否給觀眾帶來驚喜。很多網民熱捧陣容吸引，亦期望這位影后兼視后霸氣回歸！

　　昨日有雜誌報道，指無綫看到熱播中的《法證先鋒IV》叫好叫座，食髓知味欲再延續經典劇集系列，打算相隔21年開拍《刑事偵輯檔案V》，更有傳惠英紅會再次回巢助陣。

惠英紅今年初憑《鐵探》一圓視后夢，若然再度為TVB拍劇，必定是觀眾之福。

　　事實上，今年初紅姐憑《鐵探》首奪《萬千星輝頒獎典禮2019》最佳女主角後，有指無綫欲以天價打動這位影后兼視后再拍新劇，拉攏《鐵探》的姜皓文、袁偉豪再次聚首。報道指其他卡士包括王浩信、黃智雯、陳煒等。不過，據知今次眾人合作的劇集，是以美劇形式拍攝的偵探劇《解離日記》（暫名）。而日前黃智雯受訪時曾透露，下月尾將開拍時裝劇，合作演員包括紅姐及黑仔，相信所指的就是《解離日記》。

黑仔昨日應劉心悠邀請拍片玩運動接龍，並挑戰好友袁偉豪。（IG截圖）

留港休息等通知

貴為三屆金像影后，紅姐（右二）去年在《鐵探》輕鬆演活霸氣警隊一姐萬晞華。

　　對於有傳紅姐將再次為TVB拍新劇，她回覆本報時透露︰「唔清楚住，我現時都未收到劇本，依家太多流言！（今年會返TVB拍劇？）暫時未有消息公布，成日都有呢啲傳言，總之有好劇本我就會拍！」她直認現時正留港休息，並稱︰「我唔急住，TVB埋到班就會通知我，依家都係留喺屋企！」

　　現時疫症肆虐，紅姐直認工作也受到影響，問到是否要提早預留檔期？她稱︰「之前好多嘢因為疫情延後咗，所以真係唔知，要再睇檔期！」

　　另一方面，《解離日記》監製關樹明就直認現時籌備劇集中，並稱︰「因為每天可能都有變化，所以要到落實才公布！（卡士落實？）因為未齊，暫時未有公布！」

　　至於網民皆熱切期待《鐵探》三人組歸隊，有觀眾亦希望紅姐能趕及今年完成新劇，衞冕視后寶座。