【晴報專訊】黃智雯昨日到商台接受鄭裕玲（Do姐）節目《口水多過浪花》訪問，視Do姐為偶像的黃智雯，立即變身小fans，她坦言從未與Do姐合作拍戲，所以盼無綫有好劇本可打動對方出山，亦希望自己有機會合作兼偷師。

黃智雯因應疫情，與「胡說八道」好姊妹改為視像見面。

　　黃智雯昨日首度接受鄭裕玲訪問，心情難掩興奮，她雀躍地說︰「雖然喺公司經常撞到Do姐，但未試過好似今次咁，深入咁傾偈。我係佢嘅超級fans，特別鍾意佢嘅電影《我愛扭紋柴》，我睇過起碼50次，每個細節倒番轉都識背，尤其Do姐喺部戲入面講圍頭話，令我非常深刻。」她又笑言不擔心Do姐問她感情事︰「難得同Do姐傾偈，佢問到的話，我一定會答。」

黃智雯一見偶像鄭裕玲，即忍不住派手指心心。（IG圖片）

　　提到Do姐已不再拍劇，黃智雯變相未有機會與偶像合作，她說︰「希望公司有劇本令Do姐出山。」她自言欣賞Do姐、毛舜筠（毛姐）及周星馳等前輩的港產片長大，對她的演戲方式影響深遠，她也經常不自覺地模仿Do姐與毛姐。問她是否最想與星爺合作？她聞言即雙眼發光說︰「嘩！我未見過星爺呀！不過佢嘅《整蠱專家》、《逃學威龍》，我一樣可以倒轉都背番啲對白。」

怕染疫唔敢為胡鴻鈞慶生

　　另外，政府實施限制人群聚集應付疫情，黃智雯說︰「之前我去髮型屋整頭，走嗰陣見到電梯有四個人，我都神經觸動咗一下，覺得等下一部先走安全啲。」她表示取消不少朋友聚會，例如日前本來相約《降魔的2.0》一眾演員，為胡鴻鈞慶祝生日，結果都要取消。