【晴報專訊】楊明在無綫劇《機場特警》中飾演「Easy Sir」而人氣升，令他的餐廳在疫情影響下，外賣生意有增無減，因此他與女友莊思明親自出動做外賣特派專員。昨日楊明接受《晴報》電話訪問時，對於新劇收視高、角色受注目笑說︰「街坊記得我個角色名，係十分鼓舞同開心。」

劇中，Easy Sir（左）經常穿貼身制服，展現結實胸肌及麒麟臂線條。

　　《機場特警》首集平均收視達31點，超過200萬人次收看，成績不俗。在劇中飾演機場特警組警長「馬容義」（Easy Sir）的楊明，不時大曬結實腹肌，因而受觀眾歡迎。楊明本身開設燉湯店，受新冠疫情影響增設外賣服務，因劇集帶挈生意在「疫」市不跌反升，老闆楊明與老闆娘不時親身上陣送外賣。日前兩人親送外賣到牛池灣，不少街坊看到他們，紛紛要求合照。

楊明坦言餐廳人手不足，所以親力親為送外賣。(網上圖片)

　　楊明昨日接受本報訪問時說︰「《機場特警》播第一集時，我哋增設咗外賣熱線，多咗好多訂單。因為公司人手唔夠，想減輕員工壓力同負擔，所以自己做埋外賣員。送外賣嗰陣，好多市民同小朋友都會搵我同思明影相，佢哋會叫我『Easy Sir』，身為演員，令到觀眾記得個角色名，係非常之鼓舞同開心。」

楊明對市民要求合照來者不拒。

莊思明唔怕男友剝衫被睇蝕

老闆娘莊思明做跟得女友送外賣。

　　楊明笑言在劇中不時除衫，所以要辛苦保持身材。而莊思明提到男友「露肉」時笑說︰「我唔會覺得睇蝕咗佢，不過我想佢回復番當時嘅身形，因為係佢人生中最fit嘅時候，但依家已成過去！」另外，楊明透露《機楊特警》有不少富新鮮感的場面︰「我哋去到停機坪禁區取景，日頭喺機場客運站拍我哋巡邏同捉賊，又會登上真飛機拍攝，好希望推薦畀觀眾睇。」