13/05/2020
飲Sammi「縮水湯」 暴脹梁漢文激減6磅
【晴報專訊】梁漢文前席出席電影活動,身形明顯發福不少的他,坦言疫情下體重暴增十幾磅。由於他十月開演唱會時要以最佳狀態示人,老友鄭秀文(Sammi)即教他用「縮水湯大法」,成功搣甩六磅!
努力減肥中的梁漢文,卻手持致肥爆谷睇戲。
梁漢文前晚與廖碧兒、張兆輝、林曉峰及林雪等,出席由周顯揚執導、老婆杜緻朗監製及編劇的新片《我們永不言棄》溫情招待場,今次亦是戲院重開後首個電影公開活動。周顯揚夫婦表示電影能順利上映十分高興,對於戲院隔行坐影響票房,周顯揚說:「戴口罩、隔位係安全,商業上梗係有影響,但永不言棄。」
廖碧兒學水耕種植
林曉峰與廖碧兒前晚妙問妙答。
梁漢文開心戲院重開,他與王菀之合演的電影《阿索的故事》相信稍後可上映,令他甚興奮。但他坦言疫情下體重急升:「我暴肥咗十幾磅,依家155磅,係人生最高峰,老婆都肥咗好多,所以要一齊減。」由於十月開個唱,他坦言心急減肥:「我周圍問人點減肥,最後揀咗鄭秀文嘅『縮水湯大法』,飲咗即刻減六磅,拍咗片遲啲同大家分享。」他坦言想瘦多十磅:「真係要call番啲腹肌出嚟!」
對於新戲順利上映,杜緻朗與周顯揚鬆口氣。
同場的廖碧兒否認跟富二代前度盧啟賢復合,又謂最近忙學習水耕種植,她說:「種下香料同蔬菜,自給自足,將來可以教小朋友。」身旁的林曉峰即抵死問廖碧兒:「你有無施肥?我驚用咗你自己嘅咩…嚟做肥料。」廖碧兒即笑指水耕種植不用施肥。
轉載自: 晴報
etnet榮獲HKEX Awards 2023 「最佳表現證券數據供應商」大獎► 了解詳情