• |
  • 極速報價
  • |
  • 會員
  • 產品服務 / 串流版
  • 設定

26/05/2020

張衞健用阿媽偏方改善鼻敏感

  • 加入最愛專欄
  • 收藏文章

  【晴報專訊】張衞健(Dicky)最近飽受鼻敏感困擾,他日前在微博分享由張媽媽提供的治鼻敏感偏方,相中的他將兩粒蒜頭塞住鼻窿企圖止鼻水,相當搞笑。不過Dicky昨日接受《晴報》電話訪問時,坦言效果一般,更自爆小學上堂時曾連續打百個乞嚏,遭老師誤會他「玩嘢」,令他十分無奈。

 

張衞健鼻窿塞兩粒蒜頭止鼻水,再「加碼」攝紙巾。

 

  張衞健日前在微博透露鼻敏感發作,令他相當辛苦,向來孝順又對媽媽言聽計從的他,嘗試了張媽媽的古法偏方。Dicky上載了兩張照片並留言︰「先用蒜頭塞住鼻子(阿媽教的),說可以殺菌兼煞停鼻水!效果是有的,但管用程度頂多只有30%!」

 

剛過去的母親節,張衞健帶媽咪去「食好西」。

 

  相中,Dicky將兩顆蒜頭塞進鼻孔內,由於未能止鼻水,於是他在蒜頭下再攝紙巾索鼻水︰「再加上紙巾堵住鼻水流下,那就可以專心上網了,一點都不影響我的周末好心情!在能笑的日子裏,千萬別哭。」

 

疫情下規劃人生

 

張衞健向來侍母至孝。

 

  Dicky昨日接受本報電話訪問時,透露小學時期已患鼻敏感︰「我試過上堂時連續打百個乞嚏,老師以為我玩嘢,哈哈,我話『我唔係玩嘢呀』,但啲乞嚏真係密到好似特登咁。」提到張媽媽的偏方治療,Dicky笑說︰「真係一般,麻麻地,不過我近年都好番好多,好少發作。」

 

  受新冠肺炎疫情影響,Dicky的工作大計亦打亂,他充滿正能量說︰「唔緊要啦,疫情下正好可以好好規劃,諗下自己人生係咪就咁過,應該係點樣過呢!疫情係全世界都面對緊嘅,大家一齊努力、一齊加油,唔會永遠都係陰天嘅,總會有一日晴天,疫情總會過去的,生活總要繼續。」

 

轉載自: 晴報

全新節目《說說心理話》原生家庭對成長有咩影響?改善溝通有計可施?► 即睇

我要回應

放大顯示
風水蔣知識

精選文章

  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ