• |
  • 極速報價
  • |
  • 會員
  • 產品服務 / 串流版
  • 設定

13/10/2020

連播4劇鋪路攞獎? 高海寧唔敢爭視后

  • 加入最愛專欄
  • 收藏文章

  【晴報專訊】高海寧(高Ling)主演的劇集《C9特工》將於本周五大結局,昨日她與黎諾懿、簡淑兒等出席劇集宣傳。有指連環四套劇出街、「老是常出現」的高Ling,獲無綫鋪路贏視后,她坦言不敢多想奪獎的機會,只做好本份就夠。

 

黎諾懿與高海寧目前分別有一部劇集存貨未播映。

 

  今年高海寧曝光率奇高,主演的《殺手》、《迷網》、《反黑路人甲》及《C9特工》輪住播出,她笑說︰「其實幾套劇接住出係好開心,之後會休息下,我都幾乎無晒存貨,剩番一套《七公主》未出街,咁都定啲,驚觀眾出年見唔到我。」黎諾懿聞言說︰「你呢段時間可以返內地拍劇先,我都係得一套《刑偵日記》未播,希望遲啲多啲機會拍劇。」

 

  高Ling表示日前特地在街頭訪問觀眾,對她在熒幕密密曝光有何意見。她說︰「觀眾普遍鍾意睇我嘅劇,其實連播四套劇,都唔輪到我控制,好彩《C9特工》連小朋友都鍾意。」有報道指無綫連環推出以上劇集,目的是為高Ling贏視后鋪路,她只說︰「我唔敢諗視后,呢啲講天時地利人和,我只係做好本份。」

 

黎諾懿恨攞視帝

 

高海寧與黎諾懿玩遊戲時互頂屁股。

 

  黎諾懿則搞笑說︰「我希望可以喺最佳主持、最佳節目、連埋視帝三個獎一齊攞,到時我就可以息影喇。」今年諾懿主力擔任三個綜藝節目主持︰「除咗《疫境廚神》,仲有兩個節目,每個節目都要諗幾個餸,最近淨係諗煮咩餸,都諗到頭都大埋。」

 

簡淑兒正忙於拍攝《智能愛(AI)人》和《我家無難事》。

 

  另外,同場的簡淑兒早前承認與圈外男友復合,不過她強調以工作為重。無時間拍拖?她笑說︰「大家都好忙,我哋依家已經唔係熱戀期,一齊過又分開過,我哋對大家嘅性格、習慣同底綫已好了解。」會否考慮結婚?她說︰「今次再一齊,我哋反而無傾呢個話題,之前屋企人都畀壓力,依家我哋覺得跟感覺走好啲。」

 

轉載自: 晴報

全新節目《說說心理話》原生家庭對成長有咩影響?改善溝通有計可施?► 即睇

我要回應

放大顯示
師傅靈靈法

精選文章

  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ