【晴報專訊】胡楓（修哥）今日89歲生日，他前日開網上慶生派對，與契仔張學友、張家輝等視像傾偈，又獲黎明拍片賀壽。修哥昨午接受《晴報》訪問稱︰「新抱幫我聯絡咁多人，事前都唔知有咁嘅科技（網上派對）！」

　　新冠肺炎疫情仍然嚴峻，修哥未能如過往般與家人聚集一起慶生，因此他的新抱決定舉行網上生日會。前晚TVB娛樂新聞台播出派對片段，多位圈中人如黃日華、苗僑偉等拍片祝賀，兩大契仔張學友、張家輝則以網上視像形式與修哥互動，令壽星公笑得開懷。昨午修哥回覆本報時，透露整個網上派對由新抱負責︰「新抱幫我聯絡咁多人，事前唔知有咁嘅科技，前日下午三點開始，我好似逐圍枱逐圍枱咁傾，我都唔知有幾多圍，好正！好開心！」

盼6月順利開騷

修哥首度開網上生日P，令他大開眼界 。（TVB娛樂新聞台截圖）

張學友（右上）及張家輝（右下）激罕開live與契爺大談近況。（IG截圖）

　　修哥坦言事前不知一眾契仔契女在網上祝壽︰「好多朋友都有嚟，我同學友、家輝有傾下閒偈，黎明都有錄video畀我，喺海外嘅孫同佢哋嘅小朋友又一齊唱生日歌！」問生日願望是否今年順利開騷？修哥笑言︰「原定上年嘅演唱會要延期，今年都book咗六月中嘅檔期，希望OK！」至於今天生日正日，老當益壯的修哥也不言休︰「我會返電視城開工拍《愛‧回家》，之後有兩個節目會幫我慶祝，夜晚就返屋企同家人食飯！」