• |
  • 極速報價
  • |
  • 會員
  • 產品服務 / 串流版
  • 設定

15/04/2021

193@ERROR敢言反擊人氣升 曾志偉快閃藝訓班面試避談風波

  • 加入最愛專欄
  • 收藏文章

  【晴報專訊】無綫與ViuTV近日正面交鋒,無綫高層曾志偉日前指ViuTV收視得四點,只能與J2台相比;ViuTV組合ERROR成員193(郭嘉駿)反擊指「收視只計幾百部電視機」,成為網民熱話。昨日68歲生日的志偉快閃現身無綫藝訓班面試,沒有接受訪問,似是避開是非。

 

193(右一)因敢於反駁志偉言論而爆紅。

 

  上周日無綫以新節目《開心大綜藝》對撼ViuTV《最後一屆口罩小姐選舉總決賽》,曾志偉出席綵排時,直指ViuTV收視低,而且節目題材偏門;ERROR成員193晚上出席《口罩小姐》決賽時反擊說︰「收視得幾百部電視機,我哋唔會理。J2係做咩?係咪40幾歲仲做緊《#後生仔傾吓偈》?」事後193獲網民力撑而人氣急升,其IG帳戶截至昨晚九時,已暴增逾6.5萬個新粉絲。193經理人花姐(黃慧君)前日回應時指193性格一向直率,又表示志偉為人大方,相信不會生氣。

 

壽星曾志偉昨日笑容滿臉現身,未受電視大戰影響心情。

 

  68歲生日的曾志偉昨日出席《2021藝員及電視製作人員訓練班面試》,他向現場700位幕後製作的面試者分享入行經過︰「入行前我踢過足球、做過龍虎武師,又學編劇寫劇本,做埋場記。後尾做咗副導演,再有機會成為導演,亦係我夢寐以求嘅工作。後來客串幕前演出,慢慢變咗做演員。」今次超過2,000人報名,志偉笑說︰「千幾人應徵做藝員,估唔到都好多人申請幕後職位,依家係入嚟嘅最好時間,係電視里程碑,馬上融入呢個大家庭。」不過,志偉分享完即匆匆離場,沒有接受訪問,似不想回應是非。

 

樂易玲接受大股東批評

 

曾勵珍(左)及樂易玲希望招攬更多電視人才。

 

  同場的樂易玲及曾勵珍亦忠告參加者,加入無綫必需要努力、專注和堅持。樂小姐透露昨日面試者以幕後人才為主,平均年齡約31歲,而下周將舉行藝員面試。提到無綫大股東黎瑞剛狠批無綫節目老化,樂小姐表示接受老闆批評︰「有要求先有進步,我哋有少少緊張,出發點希望招攬更好嘅同事。」

 

轉載自: 晴報

我要回應

放大顯示
  • 生活
  • DIVA
  • 健康好人生