【晴報專訊】吳業坤（坤哥）早前結束日本工作假期回港，現正於酒店隔離，昨日31歲生日的他，前晚自製睡衣派對慶生，不但廢物利用以紙皮作布置，又穿上《蠟筆小新》睡衣趴在床上自拍，港女味甚濃。

坤哥在簡陋的生日紙皮布置前，大擺港女趴床pose自拍。（IG圖片）

　　吳業坤前日已叫定不少外賣美食，包括魚生、串燒等，前晚更自製「港女feel睡衣派對」為自己賀壽。坤哥在酒店房的玻璃窗上，貼上用紙皮剪貼的「31才（歲）KwanGor Happy Birth Day」裝飾，又準備數支靚酒自斟自飲，相當自得其樂。他自言試過在唱K過生日時被查身份證，又試過在拍劇、紅館綵排期間慶生，今年竟嘗試在隔離中獨自過生日。

　　坤哥表示踏入三字頭之後，開始找到自己的方向︰「會試下做一個好少喺我身上見到嘅詞語︰『男人』。一直都太細路，畀人感覺未長大，係時候勇敢啲去作決定，擺脫舊有嘅枷鎖，唔好再怕呢樣、怕嗰樣，望遠啲，行遠啲，世界很大，問題很小，繼續唱歌，繼續做喜歡嘅事情。#港女staycation睡衣生日派對#希望唔好醉到行咗出門口被人拉入隔離#紙皮好難剪。」

寫新歌作生日禮物

坤哥昨日開住直播狂擦美食。（FB截圖）

　　昨日坤哥繼續穿同一件睡衣開直播，一邊狂食酸辣米綫，一邊分享剛發布的新歌《一路》，作為給自己的生日禮物。雖然坤哥自言恨做gym，但隔離期間食唔停，昨日直播後立即叫外賣珍珠奶茶，結果外賣沒有附上飲管，他最後只能揭開蓋「豪飲」。