【晴報專訊】資深演員廖啟智（智叔）於3月28日因胃癌病逝，終年67歲。遺孀陳敏兒與兩名兒子廖文哲及廖文信，昨日在聖安德烈教堂為智叔舉行安息禮，敏兒在禮堂上分享與智叔的點滴，她透露智叔留院期間曾淚流臉面向她說︰「我係諗住殿後，而家要留低你，辛苦你喇！」令人動容。

敏兒（右）與兩名兒子文信（左）和文哲在禮堂上分享智叔生前點滴。

　　昨日中午約12時，敏兒與兩名兒子伴隨着安放智叔靈柩的靈車抵達禮堂，而安息禮因疫情關係不設公祭，但安排網上直播，亦可於網頁上發文悼念，所有帛金以智叔的名義捐作慈善用途。智叔生前人緣極廣，門外擺滿圈中藝人致送的花牌，而郭富城、羅蘭及導演杜琪峯等，昨日亦現身安息禮送智叔最後一程。禮堂門外放了一幅智叔站在萬里長城的照片，敏兒說︰「係智叔自己揀嘅遺照，所以還佢心願揀咗放門口，但因為無人用戴太陽眼鏡相片做遺照，我就再揀咗張靚仔相做遺照。」

傳承廖家良好素質

智叔生前為自己揀選的遺照十分有型。

　　安息禮由牧師帶領眾人祈禱，然後由樂手彈奏序曲，文哲與文信吹口琴，王祖藍、張崇德、劉美娟及蔣志光等人則組成詩歌班獻唱。禮堂上播放智叔生前的演出片段，由敏兒講起智叔的生平，她說︰「作為一個演員，佢盡力滿足要求，作為一個爸爸，供書教學，陪伴孩子成長，佢曾經講過︰『我好擔心你，我好唔放心你』，因為覺得未能完成丈夫責任，作為病人，佢係醫生口中A+病人。我作為妻子，『廖啟智，我以你為榮』。」

敏兒在火葬場上向智叔的白色靈柩獻上鮮花作道別。

　　敏兒又分享二人相處點滴︰「頭先我哋同智叔講，『辛苦你喇，你而家可以好好休息』，我哋好感激佢，佢嘅辛勞成就咗我哋好多嘢。佢話通關之後我哋計劃返去內地睇啲名山大川，我哋睇晒地圖排序，結果呢個『中國夢』我哋無辦法圓，佢真係辛苦命。」敏兒又憶述和智叔於84年窮遊歐洲，當時兩人計錯時差，智叔因要趕返港開工而臨時改機票獨自回港，兩人在機場依依不捨哭成「淚人」。

　　敏兒稱分享這件往事，是想提醒自己，生離死別，就算知道會重聚，但依然不捨，她說︰「佢喺病房，係咁流眼淚，面對生離死別，佢好唔捨得，佢放唔低啲仔，放唔低個老婆，佢同我講，『敏兒，我係諗住殿後，我無諗過要丟低你，而家要留低你，辛苦你喇！』佢就係一個咁有責任感嘅人，佢唔係害怕死亡，佢只係唔捨得我哋，但我哋三個好想畀佢知道，我哋好掂，會保護自己，我哋睇到佢嘅質素，希望廖家繼續保留佢呢份質素，要富有責任感同尊重人，你哋（望向兒子）做唔做得到呀？」