• |
  • 極速報價
  • |
  • 會員
  • 產品服務 / 串流版
  • 設定

22/04/2021

蝦頭楊詩敏 學懂接受挫敗

  • 加入最愛專欄
  • 收藏文章

  【晴報專訊】楊詩敏(蝦頭)在劇集《愛美麗狂想曲》中飾演肉食事業型中女Kiki姐,無論是在辦公室中的強勢能幹,還是情場上的好色主動,蝦頭演繹得恰到好處,獲觀眾大力讚賞。盛載着讚美,蝦頭偏偏選擇在代表作出現時,離開合作近八年的無綫,她坦言想珍惜當下,走出舒適圈嘗試更多新事物,也願意承受失敗。

 

 

  舞台劇出身的蝦頭,在《愛美麗狂想曲》飾演Kiki姐,起初男朋友多不勝數,到後來茹素「禁慾」,遇上性冷感的醫生Baby Baby(林溥來飾),再跟好友蘇澤基(曹永廉飾)偷情出軌。劇中豔福無邊的蝦頭跟男演員有辣身情慾戲外,又率領好姊妹李佳芯、譚凱琪等幫襯牛郎店,演出非常搶鏡。

 

蝦頭在《愛美麗狂想曲》中色誘男友林溥來,演出狂野大膽。(網上截圖)

 

  蝦頭說︰「未收到劇本之前,監製話Kiki姐類似《色慾都市》(Sex and the City)入面嘅Samantha,聽到時已經覺得好正,完全無恐懼,演嘅時候好直接咁豁出去。」她指全因髮型、造型和化粧賦予角色生命,令她演繹的時候不需太費力。對於Kiki的「肉食」本性,蝦頭笑言︰「真係極大挑戰,我完全唔係呢類人,咁樣總算滿足到我嘅慾望,每個女仔都渴望男朋友如走馬燈,喺劇中咁多男伴,心心眼出晒嚟!」

 

為微胖女生發聲

 

Kiki姐一角經常以性感打扮示人,正好表達任何身形的女性也可自信滿滿。(網上截圖)

 

  蝦頭直言劇集出街後收到不少回響,部分網友的留言更令她大感驚喜。「好多謝觀眾一直留意我嘅演出,今次造型同以往好唔同,好有自信,雖然我從來唔係公認好瘦、好美麗嘅女仔,但網友反而覺得咁樣着好靚囉!有啲天生微胖嘅女仔成日覺得唔夠瘦,但見到我咁有自信,佢哋就會諗『點解我唔可以呢』?」她認為這種回響未必跟演技有關,而是角色能夠讓觀眾有聯想或啟發,是成功的最大關鍵。「外表嘅評論從來打擊唔到我,反而更加要增值自己,喺創作同演出上做得更好。如果我只係得表面靚,人哋一攻擊我外表,咁我咪一無所有?」

 

  劇集和角色大受歡迎,對演員而言是可遇不可求,不過蝦頭卻選擇在此時離開TVB,是慶幸還是不幸?「我覺得慶幸,從來無嘥到,所有時機都係最好嘅安排,如果唔係經歷之前嘅磨練或挑戰,我未必會識得拿捏力度,或者演得唔夠細緻。得到Kiki姐呢個角色之後,突然間諗,不如停一停做自己想試嘅嘢,呢個改變嘅位係靚到爆!」

 

好好把握當下

 

蝦頭(右)扮嘢能力高超,扮徐子珊尤其維肖維妙。

 

  蝦頭坦言,過往近八年在電視圈有不錯的發展,好幾齣劇集的角色都大有發揮,「呢幾年各方面都發生咗好多事,無論香港定自己屋企,人長大咗,時間不留情,好多嘢話離開就離開,好震驚。我有好多嘢想講同做。而電視呢個媒體需要花時間去經營,佢只係其中一個媒介。經過好幾年,多謝呢個平台畀我入屋嘅機會,令做舞台劇起家嘅蝦頭可以畀大家見到我嘅努力。」她入電視圈之初,聽到不少意見,有觀眾笑她演技浮誇,她慢慢改進,終於獲得觀眾接受。

 

 

  45歲的蝦頭透露因家人的健康出問題,令她當頭棒喝,意識到要珍惜當下、好好把握,「離開舒適圈一啲都唔簡單,不過經歷咗咁多,我怕時間流走,好怕過多一年,世界又唔同晒,我想爭取時間去學、去試!我開放自己,願意接受挫敗,反而幾欣賞依家嘅自己。」蝦頭現忙於在YouTube頻道舉辦直播音樂會,又籌備自己的舞台劇劇本,她認為創作需要時間,全神貫注投入,所以必須騰出空間,寫好劇本之後再好好發展。

 

曾與邵子風愛得痛苦,二人再見亦是朋友。

 

轉載自: 晴報

我要回應

放大顯示

精選文章

  • 生活
  • DIVA
  • 健康好人生