【晴報專訊】香港樂壇漸見起色，商業電台邀得MIRROR人氣成員姜濤（姜B）及柳應廷（Jer），聯同唱作人林家謙及R&B歌手Tyson Yoshi今年9月27日假亞洲博覽館舉行拉闊音樂會。難得四位新生代歌手同場演出，不少粉絲雖然心情興奮，卻害怕一票難求，憂慮屆時要硬食黃牛飛！

　　商台相隔兩年再舉行拉闊音樂會，今次集合本地樂壇四位不同類型歌手開騷，包括剛完騷的MIRROR成員姜B及Jer，令鏡粉熱切期待。姜B與林家謙一向惺惺相惜，兩位樂壇大紅人今年三月為某高級珠賽品牌開網上音樂會，二人再合作必定更有叫座力。同時，昨晚MIRROR尾場門票一度被黃牛黨炒至逾23萬元，加上今次拉闊騷只得一場，勢必再掀炒飛潮。

（左起）林家謙、陳蕾及姜B早前合作開FB音樂會。

林家謙在《Chill Club頒獎禮》拿下男歌手金獎，深得年輕樂迷歡心。

毛舜筠姜B結片緣

毛姐日前睇MIRROR演唱會自爆嗌到聲沙，更與姜B合照。（IG圖片）

　　另一方面，雖然姜B在MIRROR開騷前壓力爆煲加上體力透支暈倒，預告完騷後放假休息，但這位人氣王相信只能短小休一會，便要繼續捱世界。有報道指姜B將進軍影壇，夥拍毛舜筠拍攝由彭秀慧執導的新片，二人在戲中飾演母子，不過彭秀慧只表示角色及故事內容未落實。此外，昨午MIRROR另一成員Anson Kong（江熚生）在IG限時動態寫下「紅館見」三個字，看來鏡仔有望在年尾首踏紅館開跨年騷。